Redmi Note 7S ફોનનો સેલ આજે બપોરે 12 વાગ્યાથી શરૂ

શિયોમીએ તાજેતરમાં રેડમી નોટ 7 એસને લોન્ચ કર્યો છે. આ ફોનનો આજે બીજો સેલ છે. આ સેલ આજે બપોરે 12 કલાકે શરૂ થશે, જેમા ગ્રાહક અનેક ઓફરો લાભ લઇ શકે છે. ગ્રાહકો Flipkart અને mi.com બંને પરથી Redmi Note 7Sને ખરીદી શકે છે. Mi. કોમથી ખરીદવા પર ગ્રાહકોને 799 રુપિયાનું MI Protect અને જો ફ્લિપકાર્ટથી ખરીદે છે તો એક્સચેન્જ ઓફર હેઠળ 10,450 રુપિયાના ડિસ્કાઉન્ટ સાથે મળશે. એટલું જ નહીં ગ્રાહક આ ફોનને દર મહિને 366 રુપિયાના ઇએમઆઇ પર પણ ખરીદી શકે છે.

આ ફોનની સૌથી ખાસ વસ્તુ સૌથી ઓછી કિંમતમાં તેનો 48 મેગાપિક્સલનો કેમેરો છે. કંપનીએ આ ફોનને બે વેરિએન્ટમાં રજૂ કર્યો છે. તેમાં 3 જીબી રેમ અને 32 જીબી ઇન્ટરનલ વેરિઅન્ટ રૂ. 10,999 છે. 4 જીબી રેમ અને 64 જીબી ઇન્ટરનલ મેમરી ધરાવતા ફોનની કિંમત 12,999 રુપિયા છે.

આ ફોનમાં 6.3-ઇંચની પૂર્ણ એચડી + ડિસ્પ્લે છે, જેનું રીઝોલ્યુશન 2340 x 1080 પિક્સેલ્સ છે. ફોનમાં ડોટ નોચ ડિસ્પ્લે સૌથી શ્રેષ્ઠ દેખાવ આપે છે. ફોનને ફ્રન્ટ અને બેક પેનલમાં કોર્નિંગ ગોરિલા ગ્લાસ 5 થી સુરક્ષિત કરવામાં આવ્યો છે. કંપનીએ આ ફોનમાં ઓક્ટા-કોર ક્યુઅલકોમ સ્નેપડ્રેગન 660 એસઓસી આપી છે.

ફોટોગ્રાફી વિશે વાત કરીએ તો શિયોમીના રેડમી નોટ 7 એસની પાછળની પેનલ પર ડ્યુઅલ કેમેરા સેટઅપ સેટ કર્યું છે. તેમાં 48 મેગાપિક્સલનો કેમેરો છે અને 5 મેગાપિક્સલનો કેમેરો ઉપલબ્ધ છે.

પાવર માટે આ ફોનની બેટરી 4000 એમએએચ છે. કંપનીએ ટાઇપ સી યુએસબી પણ રજૂ કર્યુ છે, જે ક્વિક ચાર્જ 4 સુવિધા સાથે આવે છે. કનેક્ટિવિટી માટે ફોનમાં યુએસબી ટાઇપ-સી પોર્ટ, 3.5 એમએમ ઓડિયો જેક, 4 જી વૉલેટી, બ્લૂટૂથ અને વાઇ-ફાઇ સપોર્ટનો સમાવેશ થાય છે.