ડિલીટ મેસેજને કઇ રીતે રિકવર કરી શકાય, અને ગુગલ બેકઅપ શા માટે જરૂરી? જાણો

લોકો મેસેજ મોકલવા માટે મોટા પાયે WhatsAppનો સૌથી વધુ ઉપયોગ કરે છે. તેમ છતાં આપણને જરુરી મેસેજ તો ટેક્સ્ટ મેસેજ દ્વારા જ મળે છે. બેંક ટ્રાન્ઝેક્શન હોય કે કોઈનો કોન્ટેક્ટ નંબર, પરંતુ કેટલીકવાર આપણે ભૂલથી કે ઉતાવળમાં કેટલાક મહત્વપૂર્ણ ટેક્સ્ટ મેસેજ ડિલીટ કરી દઈએ છીએ.

એન્ડ્રોઇડ ફોનમાં ડિલીટ કરેલા મેસેજને રિસ્ટોર કરવા માટે કોઈ ટ્રેશ કૈન કે કામચલાઉ સ્ટોરેજ ન હોવાથી, તમે મેસેજ ડિલીટ કરો કે, તરત જ તે તમારા ડિવાઇસમાંથી રિમુવ થઇ જાય છે.

જો કે, તમે કેટલીક યુક્તિઓ અપનાવીને ડિલીટ થયેલા મેસેજને ફરી મેળવી શકો છો, પરંતુ આ વિકલ્પો મર્યાદિત છે. એટલા માટે તમે તમારા ડિલીટ કરેલા મેસેજને રિકવર કરી શકો છો.

રિકવર સોફ્ટવેર દ્વારા ડિલીટ કરેલા મેસેજ કેવી રીતે રિકવર કરી શકાય?: જેવું તમને જાણ થાય કે, તમારો ટેક્સ્ટ ડિલીટ થઈ ગયો છે કે તરત જ ફોનનો ઉપયોગ કરવાનું બંધ કરો. તમે જે કંઈ કરો છો તે ડિલીટ કરેલા ટેક્સ્ટ મેસેજને બગાડી શકે છે, ફોનને એરોપ્લેન મોડમાં કરી દો. આ કિસ્સામાં ફોનને બંધ કરવું વધુ સારું છે ડેટા રિકવરી પ્રોગ્રામ ઇન્સ્ટોલ કરો અને તપાસો કે તે તમારા મેસેજ રિકવર થયા છે કે નહીં.

Google બેકઅપમાંથી ડિલીટ કરેલા મેસેજને રિકવર કઇ રીતે કરી શકાય?: ઘણા Android ફોન Google ડ્રાઇવ પર આપમેળે બેકઅપ લેવા માટે કન્ફિગર કરેલા છે. જો તમારો ફોન ઓટોમેટિક ગૂગલ બેકઅપ બનાવે છે, તો તમે ગૂગલ બેકઅપની મદદથી તમારા ડિલીટ કરેલા મેસેજને રિકવર કરી શકો છો.

આ સિવાય તમે તે વ્યક્તિનો સંપર્ક કરી શકો છો, જેને તમે એ મેસેજ સેન્ડ કર્યો છે અથવા મેસેજ રિસીવ કર્યો છે. તમે કોન્ટેક્ટમાંથી ડિલીટ કરેલા મેસેજને ફરીથી શેર કરવા માટે કહી શકો છો.

ટેક્સ્ટ મેસેજના મહત્વપૂર્ણ પાસાઓને આપમેળે કેપ્ચર કરતી એપ્લિકેશનો માટે પણ તપાસો. ઉદાહરણ તરીકે, ફોટા અને વિડીયો તમારી ગેલેરીમાં આપમેળે ડાઉનલોડ થઈ શકે છે.