ચીનની સ્માર્ટફોન ઉત્પાદક કંપની રિયલમીએ થોડા દિવસ પહેલા જ ભારતમાં તેનો નવો સ્માર્ટફોન રિયલમી એક્સ રજૂ કર્યો છે. આ ફોનનો આજે એટલે કે 24 જુલાઈએ પ્રથમ સેલ છે. રિયલમી એક્સને રિયલમીની વેબસાઇટ અને ફ્લિપકાર્ટથી ખરીદી શકાય છે. 18 જુલાઈએ કંપનીએ ફેન્સ માટે હેટ-ટુ-વેઇટ સેલનું આયોજન કર્યું હતું જેમાં આ ફોનનો સેલ થયો હતો.
Realme Xમાં 13 મેગાપિક્સલ પ્લસ 2 મેગાપિક્સલનો સેકન્ડરી કેમેરો છે. નવો બજેટ વેલ્યૂ કિંગ સ્માર્ટફોન સ્મઝ-ફ્રી-ડાયમંડ કટ ડિઝાઇનમાં 3 આકર્ષક કલર- ડાયમંડ બ્લેક, ડાયમંડ બ્લ્યૂ અને ડાયમંડ રેડમાં આવે છે.
ઓફર્સની વાત કરીએ તો રિયલમીની વેબસાઇટ પર 1500 રુપિયા સુધી 10 ટકા MobiKwik સુપરકેશ મળશે, જિયો તરફથી 7000 રુપિયા સુધી ફાયદો પણ આપવામાં આવશે.
આ ઉપરાંત તેમાં 6.53 ઇંચની સંપૂર્ણ એચડી પ્લસ ઍમલોડ ડિસ્પેલે હશે. જેનું રિઝોલ્યુશન 1080x2340 પિક્સેલ્સ હશે. તેમા ગોરિલા ગ્લાસ 5 ડિસ્પ્લે ઉપલબ્ધ થશે. આ ફોનમાં ઇન-ડિસ્પ્લે ફિંગરપ્રિન્ટ સેન્સર છે. પ્રોસેસર વિશે વાત કરીએ તો રિયલમી એક્સમાં ક્યુઅલકોમ ઓક્ટાર્ટ સ્નેપડ્રેગન 710 પ્રોસેસર મળશે. તેમાં 8 જીબી રેમ અને 128 જીબી સુધીની સ્ટોરેજ મળશે.
આ ફોનમાં 3765 એમએએચની બેટરી છે જે ફાસ્ટ ચાર્જિંગ વીઓસીસી 3.0 ને સપોર્ટ કરે છે. કનેક્ટિવિટી માટે તેમાં યુએસબી ટાઇપ સી પોર્ટ, ડોલ્બી એડમ ઓડિઓ, 4 જી એલટીઈ, વાઇ-ફાઇ, બ્લૂટૂથ વી 5 અને જીપીએસનો સપોર્ટ મળશે.
રિયલમી એક્સ બે વેરિએન્ટ 4 GB રેમ/ 128 GB ઇન્ટરનલ સ્ટોરેજ અને 8 GB રેમ/ 128 GB ઇન્ટરનલ સ્ટોરેજ સાથે આવે છે. 8GB રેમવાળા ફોન 16,999 રૂપિયામાં મળશે અને 8 GB વેરિએન્ટવાળા ફોનની કિંમત 19,999 રૂપિયા છે.
