Realme Narzo 50 5G લૉન્ચ, મિડ-રેન્જ સ્માર્ટફોનમાં મળશે 48 મેગાપિક્સલ કેમેરા અને 33W ડાર્ટ ચાર્જિંગ

Realme Narzo 50 5G Launched: રિયલમીએ તેના બે નવા સ્માર્ટફોન વનીલા Realme Narzo 50 5G અને રિયલમી નાર્ઝો પ્રો વેરિઅન્ટને લોન્ચ કર્યા છે. આ બંનેમાંથી સસ્તા ફોનની વાત કરીએ તો Realme Narzo 50 5G ત્રણ વેરિઅન્ટમાં આવે છે. તેના 4GB + 64GB વેરિઅન્ટની કિંમત 13,999 રૂપિયા, 4GB + 128GB વેરિઅન્ટની કિંમત 14,999 રૂપિયા અને 6GB + 128GB વેરિઅન્ટની કિંમત 15,999 રૂપિયા છે. ફોન ભારતમાં તેની પ્રથમ સેલ માટે 24 મેથી Amazon India, Realme.com અને રિટેલ સ્ટોર્સ પર ઉપલબ્ધ થશે.

Realme Narzo 50 5Gમાં 6.6 ઇંચની ફુલ HD+ ડિસ્પ્લે છે, જેમાં 90Hzનો રિફ્રેશ રેટ, 180Hzનો ટચ સેમ્પલિંગ રેટ અને 2400×1080 પિક્સલનું રેઝોલ્યુશન છે.

તે મીડિયાટેક ડાયમેન્શન 810 5G પ્રોસેસર અને આર્મ Cortex-A76 GPU દ્વારા ઓપરેટ થાય છે, જેમાં 6GB સુધીની RAM, 5GB ડાયનેમિક રેમ અને 128GB સ્ટોરેજ સ્પેસ છે. તેને માઇક્રોએસડી કાર્ડનો ઉપયોગ કરીને 1TB સુધી વધારી શકાય છે. આ ફોન એન્ડ્રોઇડ 12-બેસ્ડ Realme UI 3.0 પર કામ કરે છે.

રિયલમી Narzo 50 5G ડ્યુઅલ રિયર કેમેરા સિસ્ટમ સાથે આવે છે. તેમાં 48 મેગાપિક્સલનો અલ્ટ્રા એચડી પ્રાઇમરી અને B&W પોર્ટ્રેટ લેન્સ છે. ફોનના ફ્રન્ટમાં 8 મેગાપિક્સલનો સેલ્ફી કેમેરા મળે છે.

પાવર માટે રિયલમી Narzo 50 5Gમાં 5,000mAh બેટરી આપવામાં આવી છે, જે 33W ડાર્ટ ચાર્જ ટેક્નોલોજી સપોર્ટ સાથે આવે છે. આ ઉપરાંત, એડિશનલ ફીચર્સ તરીકે તેમાં સાઇડ-માઉન્ટેડ ફિંગરપ્રિન્ટ સેન્સર અને ડ્યુઅલ સ્ટીરિયો સ્પીકર્સનો સમાવેશ થાય છે.