Realme GT2 Pro આજે પહેલી વાર સેલમાં ખરીદવાની તક, ફોટોઝમાં જુઓ અલ્ટ્રા પ્રીમિયમ લુક

Realme GT 2 Pro આજે પ્રથમ વખત સેલ માટે ઉપલબ્ધ કરાવવામાં આવી રહ્યો છે, વેચાણ Flipkart, realme.com પર બપોરે 12 વાગ્યે શરૂ થઈ ગયું છે. ભારતમાં Realme GT 2 Proના બેઝ વેરિઅન્ટ 8GB + 128GB સ્ટોરેજ મોડલ માટે કિંમત 49,999 રૂપિયા અને તેના 12GB + 256GB સ્ટોરેજ ઓપ્શનની કિંમત 57,999 રૂપિયા રાખવામાં આવી છે. ગ્રાહક આ ફોનને પેપર ગ્રીન, પેપર વ્હાઇટ અને સ્ટીલ બ્લેક કલર ઓપ્શનમાં ખરીદી શકે છે.

Realme GT 2 Pro પર સેલ ઑફર્સ આપવામાં આવી રહી છે. આમાં HDFC બેંક કાર્ડ અને SBI ક્રેડિટ કાર્ડ દ્વારા ફોન ખરીદનારા ગ્રાહકોને 5,000 રૂપિયાનું ઇન્સ્ટન્ટ કેશબેક આપવામાં આવશે. આવો જાણીએ નવા ફોનના સ્પેસિફિકેશન્સ વિશે.

રિયલમી GT 2 Proમાં 6.7-ઇંચની LTPO2 AMOLED ડિસ્પ્લે છે અને તે 120Hz રિફ્રેશ રેટ સાથે આવે છે. તે HDR10+ અને 1400 નિટ્સની પીક બ્રાઇટનેસ ધરાવે છે. રિયલમીનો દાવો છે કે તેનો રિફ્રેશ રેટ સ્ક્રીનના કન્ટેન્ટ અનુસાર બદલાશે. તેની ડિસ્પ્લે 2K રિઝોલ્યુશન અને 1440×3216 પિક્સલ સાથે આવે છે. આ ડિસ્પ્લે કોર્નિંગ ગોરિલ્લા ગ્લાસ વિક્ટસ સાથે આવે છે, જે એન્ડ્રોઇડ ફોનનું સૌથી ટફ પ્રોટેક્શન હોવાનું કહેવાય છે.

કેમેરાની વાત કરીએ તો રિયલમી જીટી 2 પ્રોમાં ટ્રિપલ રિયર કેમેરા સેટઅપ મળે છે. તેના મેઇન કેમેરાને 50 મેગાપિક્સલનો સોની IMX766 સેન્સર મળે છે, જેમાં ઓપ્ટિકલ ઇમેજ સ્ટેબિલાઇઝેશન, ઇલેક્ટ્રોનિક ઇમેજ સ્ટેબિલાઇઝેશન, અલ્ટ્રા-વાઇડ કેમેરા અને માઇક્રો-લેન્સ કેમેરા જેવા ફીચર્સ મળે છે, જે 40X મેગ્નિફિકેશન સાથે આવે છે.

તેનો મેઇન કેમેરા 8K 30fps અને 4K 60fps સુધીના રિઝોલ્યુશન વીડિયો રેકોર્ડ કરી શકે છે. સેલ્ફી માટે ફોનમાં 32 મેગાપિક્સલનો કેમેરો છે, જે HDR સપોર્ટ સાથે આવે છે.

પાવર માટે ફોનમાં 5000mAh બેટરી આપવામાં આવી છે, જે 65W ફાસ્ટ ચાર્જિંગ ટેક્નોલોજી સાથે આવશે. કહેવામાં આવી રહ્યું છે કે Realme GT 2 Pro તેની હાઇ-એન્ડ સ્પેસિફિકેશન્સ સાથે Samsung Galaxy S22 અને OnePlus 10 Pro સાથે સ્પર્ધા કરે છે.