Realme 9i : ભારતમાં લોન્ચ થયો Realme 9i સ્માર્ટફોન, મળશે 5000mAhની બેટરી, જાણો કિંમત અને ફીચર્સ વિશે

નવી દિલ્હી: Realmeએ ભારતમાં તેનો નવો સ્માર્ટફોન Realme 9i લોન્ચ (Realme 9i Launch) કરી દીધો છે, જે Realme 8iનું અપગ્રેડેડ વર્ઝન છે. Realme 9iને ભારતીય બજારમાં સ્નેપડ્રેગન 680 પ્રોસેસર (Snapdragon 680 Processor) સાથે લોન્ચ કરવામાં આવ્યો છે. સ્નેપડ્રેગન 680 પ્રોસેસર સાથેનો આ ભારતનો પહેલો ફોન છે. Realme 9iમાં Realme 8iની સરખામણીમાં 33% ચાર્જિંગ સ્પીડ વધારે છે. કારણ કે Realme 9i સાથે 33W ફાસ્ટ ચાર્જીંગ સપોર્ટ આપવામાં આવ્યો છે. તો ચાલો જાણીએ આ દમદાર ફોનના ફીચર્સ (Features) અને કિંમત (Price) વિશે.

Realme 9iના ફીચર્સ : Realme 9i માં Android 11 આધારિત Realme UI 2.0 આપવામાં આવ્યું છે. તેમાં 2400x1080 પિક્સેલના રિઝોલ્યુશન સાથે 6.6-ઇંચની ફૂલ HD+ ડિસ્પ્લે છે. ડિપ્સ્લેની બ્રાઇટનેસ 480 નિટ્સ અને રિફ્રેશ રેટ 90Hz છે. સ્માર્ટફોનમાં સ્નેપડ્રેગન 680 પ્રોસેસર આપવામાં આવ્યું છે, જે 6nm પ્રોસેસ પર બનેલું છે. આ ફોનમાં 6GB LPDDR4X રેમ સાથે 128GBની UFS 2.1 સ્ટોરેજ છે. ફોનની સ્ટોરેજને 1TB સુધી વધારી શકાય છે. ફોન Realmeની દમદાર ડાયનેમિક રેમ એક્સપેન્સન (DRE) ટેક્નોલોજીને પણ સપોર્ટ કરે છે, જેમાં 6GB મેમરીને 5GB સુધી વધારી શકાય છે.

50MPનો પ્રાઇમરી કેમેરો : Realme 9iમાં ત્રણ રીઅર કેમેરા આપવામાં આવ્યા છે. જેમાં પ્રાઇમરી લેન્સ 50 મેગાપિક્સલનો છે. ફોનમાં 2 મેગાપિક્સલનો મેક્રો કેમેરા અને 2 મેગાપિક્સલનો પોટ્રેટ કેમેરો છે. સેલ્ફી અને વિડીયો કોલિંગ માટે ફોનમાં 16 મેગાપિક્સલનો સોની IMX471 કેમેરા આપવામાં આવ્યો છે.

મળશે 5000mAhની બેટરી : આ ફોનમાં 5000mAhની બેટરી છે, જેની સાથે 33Wનું ફાસ્ટ ચાર્જિંગ સપોર્ટ મળશે. કનેક્ટિવિટી માટે તેમાં 4G LTE, ડ્યુઅલ બેન્ડ Wi-Fi, બ્લૂટૂથ, GPS/A-GPS, USB ટાઇપ-સી અને 3.5mmનો હેડફોન જેક મળશે. તેમાં સાઇડ માઉન્ટેડ ફિંગરપ્રિન્ટ સેન્સર પણ આપ્યું છે.

Realme 9iની કિંમત અને સેલ : ભારતમાં Realme 9iના બેઝ 4GB RAM + 64GB સ્ટોરેજ વેરિઅન્ટની કિંમત રૂ. 13,999થી શરૂ થાય છે. જ્યારે હાઇ-એન્ડ 6GB RAM + 128GB સ્ટોરેજ મોડલની કિંમત રૂ.15,999 છે. આ ફોન 25 જાન્યુઆરીથી પ્રિઝમ બ્લેક અને પ્રિઝમ બ્લુ કલર ઓપ્શનમાં ખરીદી માટે ઉપલબ્ધ થશે. આ ફોન ફ્લિપકાર્ટ અને Realme.com પરથી પ્રારંભિક સેલ (22 જાન્યુઆરીએ) દ્વારા ખરીદી શકાય છે. ICICI બેંક કાર્ડ ધારકોને ડિસ્કાઉન્ટ આપવામાં આવશે.

રીઅલમી 8i અને રીઅલમી 9i વચ્ચે તફાવત : Realme 9i 50MP ટ્રિપલ કેમેરા સાથે આવે છે. આ ઉપરાંત, તમને સ્નેપડ્રેગન 680 ચિપ મળશે. જ્યારે Realme 8i MediaTek G96 સાથે આવે છે. જોકે, તમે પહેલાથી જ Realme 8i વાપરી રહ્યા છો, તો પછી Realme 9i લેવાની જરૂર રહેતી નથી. કારણ કે તેમાં 5G કનેક્ટિવિટી નથી. તમે આ રેન્જમાં વધુ સારી ડિસ્પ્લે સાથે 5G-એનેબલ ડિવાઇસ લઇ શકો છો.

ઉપરાંત આ જ સ્નેપડ્રેગન 680 સાથે તાજેતરમાં લોન્ચ થયેલ Vivo V21e રૂ. 12,990માં ખરીદી શકાય છે. આ ફોન આઇ પ્રોટેક્શન મોડ સાથે આવે છે. જોકે, વિવો સ્માર્ટફોન હાઇ રીફ્રેશ રેટને સપોર્ટ કરતો નથી.