લોન્ચ થયો Realmeનો દમદાર ફોન, જાણો ક્યારે છે સેલ

લાંબા સમયથી રાહ જોવાયેલ ફોન રિયલમી 3 પ્રો ભારતમાં લોન્ચ થયો છે. એક સ્પેશિયલ ઇવેન્ટમાં કંપનીએ તેનો રિયલમી સિરીઝનો આ નવીનતમ સ્માર્ટફોન બજારમાં રજૂ કર્યો છે. જો કે, આ ફોન માટે પૂર્વ બુકિંગ પહેલેથી શરૂ થઈ ગયું છે.

સમાચાર મુજબ રિયલમી 3 પ્રોમાં 6.3 ઇંચની ડિસ્પ્લે હશે. તે સ્નેપડ્રેગન 710 પ્રોસેસરથી સજ્જ હશે. તેમાં 48 મેગાપિક્સલનું પ્રાઇમરી સેન્સર અને 3960 એમએએચ બેટરી છે. કંપનીના સીઇઓ માધવ સેઠે કહ્યું છે કે આ ફોન ઝડપી ગતિ આપશે. સુપર સ્લો મોડ, સ્પીડ શોટ અને હાયપરબસ્ટ પરફોર્મન્સ આમાં ઉપલબ્ધ કરાશે. ફ્લિપકાર્ટ પર આ ફોનનો ટીઝર ઉપલબ્ધ કરાયું છે.

રિયલમી 3 પ્રો નાઈટ્રો બ્લુ અને લાઈટનિંગ પર્પલ કલરમાં રજૂ કરવામાં આવ્યો છે. તે સ્નેપડ્રેગન 710 પ્રોસેસરથી સજ્જ હશે. તેમા 4045 એમએએચ બેટરી છે. ફોનમાં CABC ટેકનીક આપવામાં આવી છે જે બેટરીને વધારે છે. ફોન સંપૂર્ણ 5 મિનિટમાં ચાર્જ થઇ શકે છે.

આ ફોનના બે વેરિએન્ટ 4 જીબી રેમ + 64 જીબી અને 6 જીબી રેમ + 128 જીબી સ્ટોરેજ આપવામાં આવે છે. આ ફોનની શરુઆતી કિંમત રૂ. 13,999 છે અને તેને 6 જીબી વેરિઅન્ટ રૂ. 16,999 મા ખરીદી શકાય છે.

આ ફોનનો પહેલો સેલ 29 એપ્રિલ, 12થી બપોરે 12 વાગ્યે શરૂ થશે, જેમાં અનેક ઑફર્સ આપવામાં આવશે. માહિતી અનુસાર ફોનની ખરીદી પર, ગ્રાહકો 6 મહિના નો-કોસ્ટ ઇએમઆઇ અને જિયો તરફથી રૂ. 5,300 નો નફો મેળવી શકે છે.