સૌથી સસ્તા 5 કૅમેરાવાળા આ ફોન પર મેળવો 7 હજારની છૂટ

Realme 5 ને આજે ફરીથી વેચાણ માટે ઉપલબ્ધ કરાવવામાં આવશે. આ સેલમાં 12 વાગ્યાથી રાતના 8 વાગ્યા સુધી રિયલમી ડોટ કોમ અને ફ્લિપકાર્ટ પર શરૂ થશે. આ 5 કેમેરા સાથેનો બજેટ ફોન છે, જેના ખરીદી પર ગ્રાહકો ઑફરનો લાભ લઈ શકે છે.

રિયયલમીની સત્તાવાર વેબસાઇટ પરથી ખરીદી કર્યા પછી ગ્રાહકોને મોબિકવિક તરફથી સુપર કેશ આપવામાં આવશે. આ ઉપાંત 7 હજાર રૂપિયાનું જિયો બેનિફિટ અને પેટીએમ ફર્સ્ટની ઑફર પણ સામેલ છે. આ ઉપરાંત જો તમે ફ્લિપકાર્ટથી ખરીદી કરો છો, તો તમને નોન-કોસ્ટ ઇએમઆઈ અને સંપૂર્ણ મોબાઇલ પ્રોટેક્શન ઑફરનો લાભ મળી શકે છે.

Realme 5 ને ત્રણ વેરિયેન્ટમાં ખરીદી શકાય છે. તેના 3 જીબી + 32 જીબી વેરિયેન્ટની કિંમત 9999 રૂપિયા છે, 4 જીબી + 64 જીબી વેરિયેન્ટની કિંમત 10999 રૂપિયા છે અને 4 જીબી + 128 જીબી વેરિયેન્ટની કિંમત 11999 રૂપિયા છે.

આ સ્માર્ટફોનની સૌથી ખાસ વાત એ છે કે તેનો કૅમેરો, જે ક્વાડ લેન્સ સાથે આવે છે. તેમાં 6.5 ઇંચની HD + (720x1600 પિક્સેલ્સ) ડિસ્પ્લે છે. તેમાં કોર્નિંગ ગોરિલા ગ્લાસ 3+ નું સંરક્ષણ છે. રિયલમી 5 નવા ક્વાલકોમ સ્નેપડ્રેગન 665 પ્રોસેસર પર કામ કરે છે. આ ફોન એન્ડ્રોઇડ 9 પાઇ આધારિત કલર ઓએસ 6.0 પર ચાલે છે.

રિયલમી 5ના કૅમેરાની વાત કરીએ તો તેમાં ચાર કૅમેરા છે. ફોનમાં 12 મેગાપિક્સલનો પ્રાઇમરી કૅમેરો છે. આ ઉપરાંત 8 મેગાપિક્સલનો અલ્ટ્રા-વાઇડ કૅમેરો છે. ક્વાડ કૅમેરા સેટઅપમાં 2 મેગાપિક્સલનો મેક્રો લેન્સ અને 2 મેગાપિક્સલનો પોટ્રેટ લેન્સ પણ છે. તેના આગળના ભાગમાં 13 મેગાપિક્સલનો પંચ હોલ સેલ્ફી કૅમેરો આપવામાં આવ્યો છે.