સ્માર્ટફોન બનાવવા માટે જાણીતી નિર્માતા કંપની સેમસંગે સેમસંગ ગેલેક્સી નોટ 10 અને ગેલેક્સી નોટ 10+ લોન્ચ કર્યા છે. પરંતુ ભારતમાં આ ફોન 20 ઓગસ્ટે લોન્ચ થશે અને તેનું વેચાણ 23 ઓગસ્ટથી શરૂ થશે. કંપનીએ આ બંને ફોન્સની કિંમત પણ જાહેર કરી દીધી છે, ત્યારબાદ તેનું પ્રી બૂકિગ શરૂ થઈ ગયું છે.
ગેલેક્સી નોટ 10+ ની કિંમત 79,999 રાખવામાં આવી છે. ગેલેક્સી નોટ 10 ની વાત કરીએ તો તેની કિંમત 69,999 રાખવામાં આવી છે. તે હાલમાં જ એક જ વેરિયન્ટમાં લોન્ચ કરવામાં આવ્યો છે. સેમસંગ ગેલેક્સી નોટ 10+ 256 જીબી અને 512 જીબી સ્ટોરેજ ઓપ્શનમાં 12 જીબી રેમ સાથે લોન્ચ કરવામાં આવ્યો છે.
સેમસંગ ગેલેક્સી નોટ 10+ (12 જીબી રેમ + 256 જીબી સ્ટોરેજ)ના 79,999 રૂપિયા અને સેમસંગ ગેલેક્સી નોટ 10+ (12 જીબી રેમ + 512 જીબી સ્ટોરેજ)ની જાહેરાત થઇ નથી.<br /> સેમસંગ ગેલેક્સી નોટ 10ના 8 જીબી રેમ + 256 જીબી સ્ટોરેજની કિંમત 69,999 રૂપિયા છે જ્યારે સેમસંગ ગેલેક્સી નોટ 10 5જી ભારતમાં ઉપલબ્ધ રહેશે નહીં.
આ ડિવાઇસનું આજથી કંપનીએ પ્રી બૂકિંગ શરૂ કરી દીધું છે જે 22 ઓગસ્ટ સુધી ચાલશે. બૂકિંગ કરનારા ગ્રાહકોને 23 ઓગસ્ટે આ ડિવાઇસ મળશે. પ્રિ-બુકિંગથી પસંદ કરેલા આઉટલેટ્સ, સેમસંગ સ્ટોરનલાઇન સ્ટોર, ફ્લિપકાર્ટ, એમેઝોન ઇન્ડિયા, પેટીએમ અને ટાટા ક્લીકના ઓનલાઇન પોર્ટલની મુલાકાત લઈને ખરીદી કરી શકાય છે.
કંપની આ ડિવાઇસની ખરીદી પર અનેક પ્રકારની ઓફર્સ આપી રહી છે. જો તમે સેમસંગ સ્ટોરલાઇન સ્ટોર અથવા કોઈપણ રિટેલ આઉટલેટ્સના એચડીએફસીના ક્રેડિટ અથવા ડેબિટ કાર્ડથી આ ફોનને બૂક કરો છો, તો તમને 6,000 રૂપિયાનું કેશબેક મળશે.
ફ્લિપકાર્ટ, એમેઝોન, પેટીએમ અને ટાટા ક્લીક પર આઈસીઆઈસીઆઈ ક્રેડિટ અથવા ડેબિટ કાર્ડની પ્રી બૂકિંગ પર 6,000 રૂપિયાનું કેશબેક પણ મળશે. ઉપરાંત નવા ગેલેક્સી નોટ ડિવાઇસનું પ્રીબૂકિંગ કરનારા ખરીદદારોને Galaxy Watch Active માત્ર 19,990 રૂપિયાને બદલે 9900 રિુપયામાં ખરીદી શકશો.
