Oppo K3નો સેલ, Jio તરફથી મેળવો રૂ. 7050નો લાભ, 12 હજારનું OYO ડિસ્કાઉન્ટ પણ

ઓપ્પો કે 3 નો આજે પ્રથમ સેલ ઉપલબ્ધ કરાશે. આ સેલ એમેઝોન પર 12 વાગ્યે શરૂ થશે, જ્યાં ગ્રાહકોને અનેક ઓફર કરવામાં આવી રહી છે. ભારતમાં તેની કિંમત 16,990 રૂપિયા રાખવામાં આવી છે. પરંતુ આ સ્માર્ટફોનની ખરીદી પર રૂપિયા 1000નું ફ્લેટ કેશબેક આપવામાં આવી રહ્યું છે, જે એમેઝોન પે બેલેન્સ તરીકે આપવામાં આવશે.

ભારતમાં ઓપ્પો કે 3 ના 6 જીબી રેમ અને 64 જીબી સ્ટોરેજ વેરિયેન્ટની કિંમત 16,990 રૂપિયા છે. તો 128 જીબી સ્ટોરેજની કિંમત 19,990 રૂપિયા છે. જો તમે એમેઝોન પેથી ફોન ખરીદો છો તો તમને રૂ. 1,000નું કેશબેક મળશે. આ જ સમયે ગ્રાહકોને જિયોથી 7,050નો ફાયદો મળશે. સાથે ઓયો પર 12,000 રુપિયાની છૂટ અને લેન્સકાર્ટ પર 5000 રૂપિયાનું ગિફ્ટ કાર્ડ આપવામાં આવી રહ્યું છે. ચાલો જાણીએ કે આ ફોનનાં લક્ષણો શું છે.

ઓપ્પો કે 3 સ્માર્ટફોનમાં 6.5 ઇંચની પૂર્ણ એચડી + એમોલેડ ડિસ્પ્લે છે, જેનું રીઝોલ્યુશન 2340 × 1080 પિક્સેલ્સ છે. આ સ્માર્ટફોન ક્યુઅલકોમ સ્નેપડ્રેગન 710 પ્રોસેસર પર કામ કરે છે. આ સ્માર્ટફોન એન્ડ્રોઇડ 9.0 પાઇ ઓપરેટિંગ સિસ્ટમ પર ચાલે છે, જે કંપનીની પોતાની ક ColorOS 6.0ની સ્કિન સાથે ચાલે છે.

ઓપ્પો કે 3 સ્માર્ટફોનમાં ઇન-ડિસ્પ્લે ફિંગરપ્રિન્ટ સેન્સર છે. કંપની દાવો કરે છે કે આ સ્માર્ટફોન તેની પહેલાની શ્રેણી કરતા 28.5% વધુ ઝડપી છે. ઓપ્પો કે 3 કંપનીની પોતાની નવી ગેમબોસ્ટ 2.0 ટેકનીક સાથે આવે છે.

આ સ્માર્ટફોનની પાછળ ડ્યુઅલ કેમેરા સેટઅપ આપવામાં આવ્યું છે. ફોનની પાછળ 16 મેગાપિક્સલનો અને 2 મેગાપિક્સલનો કેમેરા છે. તો આગળના ભાગમાં સેલ્ફી માટે ફ્રન્ટમાં 16-મેગાપિક્સલનોપોપ અપ કેમેરો આપવામાં આવ્યો છે.

પાવર માટે, આ સ્માર્ટફોનમાં 3,765 એમએએચ બેટરી છે, જે કંપનીના પોતાના વીઓસીસી 3.0 ફ્લેશ ચાર્જિંગ ટેક્નોલૉજીને સપોર્ટ કરે છે.