AC બનશે તમારું જૂનું કુલર, બસ એક નાનાકડું ડિવાઇસ કરો ફિટ

નવી દિલ્હી. ઉનાળાની ઋતુ શરૂ થઈ ગઈ છે. લોકોએ કુલરનો ઉપયોગ પણ શરૂ કરી દીધો છે. ગરમીથી બચવા લોકો પંખા અને કુલરની સફાઈ કરી રહ્યા છે. સામાન્ય રીતે જૂનું કુલર નવા પંખાની જેમ ઠંડી હવા આપતું નથી. તમે જોયું જ હશે કે લોકો શિયાળાની ઋતુમાં કૂલરને પેક કરીને મૂકી દે છે અને ઉનાળો પાછો આવે ત્યારે તેને ફરીથી ઉપયોગ માટે બહાર કાઢે છે. ઘણી વખત એવું બને છે કે શિયાળા પછી ઉનાળામાં કૂલરને બહાર કાઢવામાં આવે છે અને તે ઠંડી હવા આપવાનું બંધ કરી દે છે. જેના કારણે લોકો નવા કુલરની ખરીદી કરે છે.

આવામાં જો તમારું કૂલર પણ ઠંડી હવા નથી આપી રહ્યું તો આજે અમે તમને એક એવી ટ્રિક જણાવવા જઈ રહ્યા છીએ, જેની મદદથી તમારું જૂનું કૂલર પણ તમને ઉનાળામાં ધાબળું ઓઢવા માટે મજબૂર કરી દેશે.

જો તમે ઈચ્છો છો કે તમારું કૂલર ઉનાળામાં ઠંડી હવા આપે, તો તમારે તેમાં 'સ્ટુકિન 9V DC સબમર્સિબલ પંપ મોટર' લગાવવી પડશે. જેના કારણે જૂનું કુલર બરફ જેવી હવા આપવા લાગશે. ખાસ વાત એ છે કે આ માટે તમારે વધારે પૈસા ખર્ચવા પડશે નહીં.

સબમર્સિબલ પંપ મોટર એલ્યુમિનિયમથી બનેલી હોય છે. તેમાં એક હોબી કીટ છે, જે પાણીને રોકીને ઠંડુ કરે છે. તેને એલ્યુમિનિયમ વોટર કૂલિંગ બ્લોક પણ કહેવામાં આવે છે. આ સંપૂર્ણપણે એલ્યુમિનિયમથી બનેલી મોટર છે. તેનાથી કોઈપણ પાણીને ઠંડુ કરી શકાય છે. તેને કૂલરમાં લગાવ્યા બાદ તે ઠંડી હવા આપવા લાગશે.

જો તમે Stookin 9V DC સબમર્સિબલ પંપ મોટર ખરીદવા માંગો છો, તો તમે તેને ઑનલાઇન અને ઑફલાઇન ખરીદી શકો છો. આ પંપ મોટરની કિંમત 500થી 1000 રૂપિયાની વચ્ચે છે. નોંધનીય છે કે, આ ઉપકરણ તમારા જૂના કૂલરમાં ફરી એક વાર પ્રાણ ફૂંકશે અને ફરીથી ઠંડી હવા આપવાનું શરૂ કરશે.