નિસાન મોટર્સે આ વર્ષે 21 જાન્યુઆરીએ તેની એસયુવી નિસાન કિક્સ લોન્ચ કરી હતી. લોન્ચ થયાં બાદ પણ ટોપ 10માં તેમની જગ્યા બનાવી શકી નહીં. હવે કંપની કારનું વેચાણ વધારવા માટે તેની કાર પર 1 લાખ રુપિયા સુધીનું ડિસ્કાઉન્ટ આપી રહી છે. એટલું જ નહીં 0 ટકા વ્યાજદર પર ફાઇનાન્સ સુવિધા પણ આપે છે.
નિસાન માઇક્રા પર કંપની 55 હજાર રૂપિયા સુધીનું ડિસ્કાઉન્ટ ઓફર કરી રહી છે. આ સ્કીમમાં 50 હજાર રૂપિયાનું કેસ ડિસ્કાઉન્ટ, 20 હજાર રુપિયાનો એક્ચેન્જ બેનિફિટ્સ અને સરકારી કર્મચારીઓને 5 હજાર સુધીની સુવિધા મળશે.
તો કુલ મળીને નિસાન તેની હેચબેક કાર પર 75 હજાર સુધીનું ડિસ્કાઉન્ટ આપી રહી છે. આ ઓફર્સ ઉપરાંત માઇક્રા પર ઝીરો ટકા વ્યાજદર પર 84 મહિના માટે ફાઇનાન્સ સુવિધા આપી રહી છે.
માઇક્રા એક્ટિવ પર કંપની રૂ. 50 હજાર સુધીનું ડિસ્કાઉન્ટ ઓફર કરી રહી છે. તેમાં 45 હજાર રૂપિયાનું કેશ ડિસ્કાઉન્ટ મળશે. આ ઉપરાંત સરકારી કર્મચારીઓ માટે 5 હજાર રૂપિયાનો લાભ પણ ઓફરમાં ઉપલબ્ધ થશે. કંપની માઇક્રા પર 20 હજાર રૂપિયા સુધીનો વધારાનો એક્સ્ચેન્જ લાભ મળશે. ઉપરાંત, ઝીરો ટકા વ્યાજના દરે ફાઇનાન્સ સુવિધા પણ મળશે. નિસાન એકટીવ માઇક્રાની કિંમત 5.25 લાખ રૂપિયાથી શરૂ થાય છે.
નિસાનની સેડાન કાર પર કંપની એક લાખ રૂપિયાની ઓફર કરી રહી છે. નિસાનની વેબસાઇટ અનુસાર, સની પર 62 હજાર રૂપિયાનું રોકડ ડિસ્કાઉન્ટ, 30 હજાર રૂપિયાનો એક્ચેન્જ બેનિફિટ અને સરકારી કર્મિઓને 8 હજાર રુપિયાનો વધારાનો લાભ મળશે.
