લોન્ચ થયો પાવરફુલ બેટરીવાળો ફોન Micromax In 2c, સતત 50 કલાક સુધી કરી શકો છો વાત!

Micromax In 2c ભારતમાં લોન્ચ કરવામાં આવ્યો છે. નવા ફોનમાં વોટરડ્રોપ-સ્ટાઈલ નોચ અને ડ્યુઅલ રિયર કેમેરા છે. Micromax In 2C ઓક્ટા-કોર Unisoc T610 SoC સાથે આવે છે, અને તેની ખાસિયત તેની 5000mAh બેટરી છે, જે 16 કલાકનું વિડિયો સ્ટ્રીમિંગ અને 50 કલાકનો ટોક ટાઇમ આપે છે. કહેવાય છે કે Micromax In 2C ભારતમાં Infinix Hot 11 2022, રિયલમી C31 અને પોકો C3 જેવા ફોનને ટક્કર આપી શકે છે.

Micromax In 2c 8,499 રૂપિયામાં લોન્ચ કરવામાં આવ્યો છે, જે તેના 3GB RAM + 32GB સ્ટોરેજ વેરિઅન્ટની કિંમત છે. ઇન્ટ્રોડક્ટરી ઓફર તરીકે ગ્રાહકોને આ ફોન 7,499 રૂપિયાની ડિસ્કાઉન્ટ કિંમતે મળશે. Micromax In 2C ફ્લિપકાર્ટ અને માઇક્રોમેક્સની ઓફિશિયલ સાઇટ પર 1 મેથી ઉપલબ્ધ કરાવવામાં આવશે.

Micromax In 2cમાં 6.52-ઇંચની HD+ (720x1,600 pixels) ડિસ્પ્લે આપવામાં આવી છે, જે 20:9 આસ્પેક્ટ રેશિયો સાથે આવે છે. આ ફોન એન્ડ્રોઇડ 11 પર કામ કરે છે, અને તેમાં ઓક્ટા-કોર Unisoc T610 SoC સાથે 3GB રેમ મળે છે.

કેમેરાની વાત કરીએ તો Micromax In 2cમાં ડ્યુઅલ રિયર કેમેરા સેટઅપ છે. તેમાં 8 મેગાપિક્સલનો પ્રાઇમરી સેન્સર અને અલગથી ડેપ્થ સેન્સર છે. સેલ્ફી અને વીડિયો કોલિંગ માટે Micromax In 2c માં 5-મેગાપિક્સલનો ફ્રન્ટ કેમેરા છે. આમાં ફેસ બ્યુટી, નાઈટ મોડ અને પોર્ટ્રેટ મોડ જેવા ફીચર્સ ઉપલબ્ધ છે.

આ ફોન બ્રાઉન અને સિલ્વર કલર વેરિઅન્ટમાં આવે છે. પાવર માટે તેમાં 5,000mAh બેટરી છે જે 10W સ્ટાન્ડર્ડ ચાર્જિંગને સપોર્ટ કરે છે. કનેક્ટિવિટી માટે Micromax In 2cમાં 4G LTE, Wi-Fi 802.11ac, Bluetooth v5.0, GPS/ A-GPS, USB Type-C, અને 3.5mm હેડફોન જેક મળે છે.