Maruti WagonR Flex Fuel: આવી ગયું વેગન-R ફ્લેક્સ ફ્યૂલ વર્ઝન, હવે માઈલેજની ચિંતા જ નહીં

આ પ્રકારની ગાડીઓ ચલાવવામાં ખૂબ જ સસ્તી હોય છે. કેમ કે એથેનોલ ફ્યૂલ ડીઝલ-પેટ્રોલની સરખામણીએ ખૂબ જ ઓછી કિંમતે મળી રહે છે.

આ કાર્સની ખાસ વાત એ છે કે તે ડિઝલ પેટ્રોલની જેમ જ ખૂબ જ સારું પરફોર્મન્સ અને વધુ સારી રનિંગ કોસ્ટ આપે છે. કંપનીએ પોતાની કોમ્પેક્ટ SUV બ્રેઝાનું CNG મોડેલ પણ રજૂ કર્યું છે.

ફ્લેક્સ ફ્યૂલ એક પ્રકારે પેટ્રોલ ડીઝલનો વિકલ્પ છે. આ માટે તેને વૈકલ્પિક ઈંધણ પણ કહેવાય છે. તેને ગેસોલીન અથવા મેથલોન કે ઈથેનોલના મિશ્રણથી તૈયાર કરવામાં આવે છે.

ફ્લેક્સ (Flex) ઈંગ્લિશના ફ્લેક્સિબલ (Flexible) શબ્દથી આવ્યો છે. ફ્લેક્સ ફ્યૂલથી ફ્લેક્સ એન્જિન ચાલે છે. ફ્લેક્સ એન્જિન એટલે કે જે કોઈપણ સમસ્યાનો સામનો કર્યા વગર બીજા ઈંધણ પર પણ ચાલી શકે.

ભારતમાં વૈકલ્પિક ઈંધણને લઈને વિસ્તારથી પ્લાનિંગ કરવામાં આવી રહ્યું છે. અહીં ઈથેનોલ અને મેથેનોલને ભેળવીને ફ્લેક્સ ફ્યૂલ બનાવવામાં આવ્યું છે.