લોન્ચ થઇ ભારતની પહેલી 5G ઇન્ટરનેટ SUV

એમજી (મોરિસ ગે રેજ) મોટર્સે તેની પહેલી એસયુવી એમજી હેક્ટરને લોન્ચ કરી છે. હેક્ટરને બે એન્જિન વિકલ્પો સાથે લોન્ચ કરવામાં આવી છે. બંને એન્જિન સાથે 6 સ્પીડ મેન્યુઅલ ટ્રાન્સમિશન ઉપલબ્ધ હશે,બંને પેટ્રોલ વેરિયેન્ટ સાથે ઓટોમેટિક અને મેન્યુઅલ ઉપલબ્ધ થશે. હેક્ટરની ટક્કર મહિન્દ્રા એક્સયુવી 500, જીપ કંપાસ અને તાજેતરમાં જ લોન્ચ થયેલી ટાટા હેરિયર સાથે થશે.

એમજી હેક્ટર દેશની પ્રથમ ઇન્ટરનેટ કાર છે, જે ઇન્ટરનેટથી કનેક્ટ થશે. ISmart સિસ્ટમ એ હેક્ચરની સુવિધાનું નામ છે. હેક્ટર તેના સેગમેન્ટમાં આ પ્રકારની પહેલી એવી કાર હશે, જેમાં પહેલીવાર અનેક સુવિધાઓ ઉપલબ્ધ થશે. હેક્ટરની આઈસ્માર્ટ સિસ્ટમને એરટેલના ઇ-સિમ સાથે કનેક્ટક કરી શકાય છે. હેક્ટર દેશની પહેલી 5 જી કનેક્ટિવિટીની કાર હશે.

iSmart સિસ્ટમ્સને ઓવર-ધ-એર અપડેટ્સ પણ મળશે અને યૂઝર્સ સર્વિસ કેન્દ્રમાં જતા પહેલા જ ડાઉનલોડ કરી શકશે. આ ઉપરાંત, હેક્ટરમાં 10.4-ઇંચ પોર્ટ્રેટ ઇન્ફોટેમેન્ટ સિસ્ટમ પણ હશે અને અનેક એપ્લિકેશન્સ પ્રી-લોડ થશે.

આ ઉપરાંત આઇસ્માર્ટ સિસ્ટમ ખાસિયત એ હશે કે યૂઝર તેના સ્માર્ટફોન પર કારના રીઅલ-ટાઇમ અપડેટને જોઈ શકશે. યૂઝર ટાયર પ્રેશર, જીઓ ફેંસ, લાઇવ લોકેશનને એક્સેસ કરી શકશે. ઉપરાંત, કારના દરવાજાના લૉકને અનલૉક કરી પણ થઈ શકે છે.

એમજી હેક્ટર પહેલી વખત હબ દ્વારા કસ્ટમર મેનેજમેન્ટ સર્વિસીસ પણ આપશે. આ સેવા દ્વારા, જ્યારે યૂઝર્સની અકસ્માતની ઘટનામાં કારની એરબેગ ઓટોમેટિક ખૂલી જશે જેનાથી ખાસ નંબર પર ટેક્સ્ટ મેસેજ કંપનીમાં જશે, સાથે જ વ્હીકલ લોકેશન પણ શેર થઇ જશે.

હેક્ટેરની અન્ય સુવિધાઓ વિશે વાત કરીએ તો તેમાં કીલેસ એન્ટ્રી, ઓટો ડિમિંગ આઇઆરવીએમએમ, ક્વાડ એલઇડી પ્રોજેક્ટર લેમ્પ્સ, એલઇડી ટેઇલ લેમ્પ્સ, હનીકોમ્બ મેશ ગ્રીલ જેવા વિશિષ્ટ ફિચર મળશે. હેક્ટરનુ બૂકિંગ મે ના પહેલા અઠવાડિયાથી શરૂ થશે અને જૂનના પહેલા અઠવાડિયાથી ડિલિવરી શરૂ થશે.

હેક્ટરમાં 1.5 લિટર ટર્બોચાર્જ્ડ પેટ્રોલ એન્જિન અને 2.0-લીટર 4-સિલિન્ડર ટર્બો ડીઝલ એન્જિન મળશે, 48-વોલ્ટ માઇલ્ડ હાઇબ્રિડ સિસ્ટમ પેટ્રોલ એન્જિનમાં ઉપલબ્ધ થશે, એમજી હેક્ટરની કિંમત 13 થી 16 લાખ રૂપિયા વચ્ચે હશે.