Lenovo Tab P11 5G: મિડ-રેન્જ ફોનની કિંમતે લોન્ચ થયું લેનોવોનું પહેલું 5G ટેબલેટ, જુઓ શાનદાર ફિચર્સ

Lenovoના આ નવા ટેબલેટને કંપનીના હાલના Lenovo Tab P11 Plus અને Tab P11 Pro વચ્ચે સ્થાન આપવામાં આવ્યું છે. કિંમતની વાત કરીએ તો ભારતમાં Lenovo Tab P11 5G ની કિંમત 128GB વેરિયન્ટ માટે 29,999 રૂપિયા અને 256GB વેરિએન્ટ માટે 34,999 રૂપિયા રાખવામાં આવી છે. ગ્રાહકો આ ટેબલેટ એમેઝોન અને ઓફિશિયલ લેનોવો સ્ટોર પરથી ખરીદી શકે છે.

Lenovo Tab P11 5G ના વિશિષ્ટતાઓ વિશે વાત કરતાં, તેમાં જાડા બેઝલ્સ અને 60HZ રિફ્રેશ રેટ સાથે 11-ઇંચ 2K (2000x1200 પિક્સેલ્સ) ડિસ્પ્લે છે. આ ટેબલેટ એન્ડ્રોઇડ 11 પર ચાલે છે. પરંતુ, ટૂંક સમયમાં ગૂગલનું કસ્ટમ ઓએસ એન્ડ્રોઇડ 12L ટેબલેટ અને ફોલ્ડેબલ સ્માર્ટફોન માટે તેમાં મળી શકે છે.

Lenovo Tab P11 5G ઇન-હાઉસ એસેસરીઝને પણ સપોર્ટ કરે છે જેમ કે Lenovo Precision Pen 2 stylus અને કીબોર્ડ. આ એક્સેસરીઝ અલગથી વેચાય છે. જોવાનો અનુભવ સુધારવા માટે તેમાં JBLની સ્પીકર સિસ્ટમ આપવામાં આવી છે. આ ટેબલેટમાં ડોલ્બી એટમોસ પણ સપોર્ટેડ છે.

ફોટોગ્રાફી માટે, તેમાં પાછળના ભાગમાં 13MP પ્રાથમિક કેમેરા અને આગળના ભાગમાં ToF સેન્સર સાથે 8MP કેમેરા છે. આ સેન્સર કેમેરા અને વિષય વચ્ચેનું અંતર માપે છે.

આ સિવાય આ ટેબલેટમાં 20W ચાર્જિંગ સાથે 7700mAh બેટરી આપવામાં આવી છે. કનેક્ટિવિટીની વાત કરીએ તો તેમાં બ્લૂટૂથ 5.1, Wi-Fi 6 અને USB-C 3.2 માટે સપોર્ટ છે. કંપનીના દાવા મુજબ, યુઝર્સ 12 કલાક સુધી નોન-સ્ટોપ વીડિયો સ્ટ્રીમિંગ કરી શકે છે.