Lava Blaze NXT: ઓછી કિંમતમાં મળી રહ્યો છે આ શાનદાર ફોન, સસ્તામાં મળશે જોરદાર ફિચર્સ

Lava Blaze NXT HD + રિઝોલ્યુશન સાથે 6.5-ઇંચ IPS ડિસ્પ્લે સાથે આવે છે. આ ફોન 4 GB અને 64 GB ઇન્ટરનલ સ્ટોરેજથી સજ્જ છે. તેમાં 3GB વર્ચ્યુઅલ રેમ સપોર્ટ પણ છે, જેની મદદથી જરૂર પડ્યે કુલ રેમ 7GB સુધીની હોઈ શકે છે.

MediaTek આ ફોનમાં Helio G37 ચિપસેટનું પ્રોસેસર ઓફર કરી રહ્યું છે. મોબાઇલમાં LED ફ્લેશ સાથે 3 કેમેરા છે, જેમાં 13-મેગાપિક્સલનો પ્રાઇમરી કેમેરા છે. તે જ સમયે, સેલ્ફી માટે ફ્રન્ટમાં 8-મેગાપિક્સલનો કેમેરો છે.

બેક પેનલ પરના અન્ય બે કેમેરા વિશે કંપનીએ કોઈ માહિતી આપી નથી. પરંતુ, એવું માનવામાં આવે છે કે આમાંથી એક 2-મેગાપિક્સલ ડેપ્થ સેન્સર અને VGA કેમેરા હોઈ શકે છે.

રીઅર માઉન્ટેડ ફિંગરપ્રિન્ટ સેન્સરથી સજ્જ આ ફોનમાં 5000mAh બેટરી છે અને ચાર્જિંગ માટે ફોનમાં USB-C પોર્ટ આપવામાં આવ્યો છે. કંપનીનું કહેવું છે કે બેટરી ફુલ ચાર્જ થવા પર આખો દિવસ ચાલે છે.

આ સ્માર્ટફોન એન્ડ્રોઇડ 12 ઓએસ પર કામ કરે છે. 10 હજારથી પણ ઓછી કિંમતમાં આવતા આ ફોનમાં કિંમતના હિસાબે તમામ ફીચર્સ વધુ સારા જણાવવામાં આવી રહ્યા છે.