Jio, Vi, Airtelના દમદાર પ્લાન; દરરોજ મળશે 3GB ડેટા, ફ્રી કોલિંગ અને ફ્રી Amazon Prime

ટેલિકોમ કંપનીઓ ગ્રાહકોને આકર્ષવા માટે બજેટ રિચાર્જ પ્લાન રજૂ કરે છે અને આજની ઇન્ટરનેટની જરૂરિયાતને ધ્યાનમાં રાખીને વધારે ડેટાવાળા પ્લાન પર ભાર મૂકે છે. જો તમે પણ કોઈ એવો પ્લાન ઈચ્છો છો જેમાં વધારે ઇન્ટરનેટ ડેટા, કોલિંગ બેનિફિટ્સ અને વધુ વેલિડિટી સામેલ હોય, તો આજે અમે તમને રિલાયન્સ જિયો (Reliance Jio), એરટેલ અને વોડાફોન આઇડિયાના ડેઇલી 3GB ડેટાવાળા પ્લાન વિશે જણાવશું.

Jioનો સસ્તો પ્લાન: દેશની દિગ્ગજ ટેલિકોમ કંપની Jio ગ્રાહકો માટે 601 રૂપિયાનો પ્રીપેડ પ્લાન રજૂ કરે છે. ગ્રાહકોને આમાં ડેઇલી 3જીબી ઇન્ટરનેટ ડેટા મળે છે, અને ડેટા ખતમ થયા બાદ પણ કંપની 6GB એડિશનલ ડેટા આપે છે. આ પ્લાનની વેલિડિટી 28 દિવસની છે.

આ પ્લાનમાં ગ્રાહકોને દરરોજ 100 SMS મળશે, તેમજ અનલિમિટેડ કોલિંગની સુવિધા પણ મળશે. એડિશનલ બેનિફિટ્સ તરીકે ગ્રાહકોને આ પ્લાનમાં Disney+ Hotstarનું મોબાઇલ સબસ્ક્રિપ્શન પણ મળે છે.

Airtelનો પ્લાન: એરટેલના ડેઇલી 3 જીબી ડેટાવાળા પ્લાનની કિંમત 599 રૂપિયા છે, તેમાં ગ્રાહકોને ડેઇલી 3GB ઇન્ટરનેટ ડેટા આપવામાં આવે છે. આ પ્લાનની વેલિડિટી 28 દિવસની છે, અને ગ્રાહકોને તેમાં દરરોજ 100 SMSનો ફાયદો આપવામાં આવે છે. ખાસ વાત એ છે કે તેમાં અનલિમિટેડ વોઇસ કોલિંગ આપવામાં આવે છે.

એડિશનલ બેનિફિટ્સની વાત કરીએ તો ગ્રાહકોને આ પ્લાનમાં Disney+ Hotstarનું મોબાઇલ સબસ્ક્રિપ્શન, Amazon Prime Videoનું ફ્રી મોબાઇલ ટ્રાયલ અને Wynk Musicનું સબસ્ક્રિપ્શન આપવામાં આવે છે.

Viનો 3GB ડેટાવાળો પ્લાન: આખરે વાત કરીએ Vodafone Ideaની તો ગ્રાહકોને ડેઇલી 3GB ડેટાવાળા પ્લાન તરીકે વોડાફોન 601 રૂપિયાનો પ્લાન ઓફર કરે છે. આ પ્લાનમાં ગ્રાહકોને ડેઇલી 3GB ડેટા મળે છે. આ પ્લાન ખતમ થયા બાદ પણ યુઝર્સને એડિશનલ 16GB ઇન્ટરનેટ ડેટા મળે છે.

આ પ્લાનની વેલિડિટી 28 દિવસની છે. આ ઉપરાંત યુઝર્સને ડેઇલી 100SMS પણ મળે છે. એડિશનલ બેનિફિટ્સ તરીકે ગ્રાહકોને તેમાં Disney+ Hotstarનું મોબાઇલ સબસ્ક્રિપ્શન પણ આપવામાં આવે છે.