ત્રણ કેમેરા ધરાવતો Infinix S4 મળશે 9 હજારથી પણ ઓછી કિંમતમાં

ઇન્ફિનિક્સે ભારતમાં તેના બજેટ સ્માર્ટફોન એસ 4 ના નવા વેરિઅન્ટને લોન્ચ કર્યો છે. કંપનીએ આ પહેલા મે મહિનામાં ફક્ત 3 જીબી + 32 જીબી વેરિએન્ટ રજૂ કર્યા હતા, પરંતુ હવે ગ્રાહકો 4 જીબી + 64 જીબી વેરિએન્ટ પણ ખરીદી શકે છે. આ નવા વેરિએન્ટની કિંમત 10,999 રૂપિયા છે, પરંતુ ફ્લિપકાર્ટ બિગ ફ્રીડમ સેલમાં તેને 8,999 રૂપિયાની શરુઆતી કિંમતમાં ખરીદી શકાય છે. 3 જીબી + 32 જીબી વેરિએન્ટ વિશે વાત કરો તો તેને સેલમાં 7,999 રૂપિયામાં ખરીદી શકાય છે.

આ સ્માર્ટફોનમાં 6.2 ઇંચની એચડી ડિસ્પ્લે છે, જેનો આસ્પેક્ટ રેશિયો 19.5: 9 છે. આ સ્માર્ટફોન Android 9 પાઇ આધારિત XOS 5.0 પર ચાલે છે. તે એક આઈપીએસ પેનલ છે અને સ્ક્રીન ઘનતા 271 પિક્સેલ્સ પ્રતિ ઇંચ છે. ઇન્ફિનિક્સ એસ 4 માં મીડિયાટેક હેલિઓ પી 22 પ્રોસેસર આપવામાં આવ્યું છે.

પાવર માટે આ ફોનમાં કંપનીએ 4000 એમએએચની બેટરી આપી છે અને કંપનીનો દાવો છે કે તે એક દિવસનો બેટરી બેકઅપ આપશે. આ સ્માર્ટફોનને ચાર કલર વેરિયન્ટમાં રજૂ કરવામાં આવ્યો છે, જેમાં નેબ્યૂલા બ્લુ, ટ્વાઇલાઇટ પર્પલ અને સ્પેસ ગ્રે કલર ઉપલબ્ધ છે.

ફોટોગ્રાફી માટે ઇન્ફિનિક્સ એસ 4 માં ટ્રિપલ રિયરર કેમેરો આપવામાં આવ્યો છે. પ્રાઇમરીક કેમેરો 13 મેગાપિક્સલનો છે, જ્યારે બીજો કેમેરો 8 મેગાપિક્સલનો છે. ત્રીજુ સેન્સર 2 મેગાપિક્સલ છે. કેમેરામાં ફેસ ડિટેક્શન ઓટોફોકસ અને ટચ ટુ ફોકસ સુવિધાઓ છે. સેલ્ફી માટે 32 મેગાપિક્સલનો ફ્રન્ટ કેમેરો છે.

ઇન્ફિનિક્સ એસ 4 ગ્લોશિ ફિનિશ સાથે આવે છે અને તેની પાછળની પેનલ પર ફિંગરપ્રિન્ટ સ્કેનર છે. કનેક્ટિવિટી માટે, તેમાં હેડફોન જેક અને માઇક્રો યુએસબી પોર્ટ છે. તમે આ ફોનમાં ડ્યુઅલ સિમ સાથે માઇક્રો એસડી કાર્ડ ઇન્સ્ટોલ કરી શકો છો.