ભારતની પહેલી CNG SUV લોન્ચ, જુઓ ફિચર્સ અને કિંમત

જાપાની ઓટોમેકર ટોયોટાએ બુધવારે તેની પ્રથમ CNG કાર, Glanza CNG લૉન્ચ કરી અને કંપનીએ એ પણ જાહેરાત કરી કે અર્બન ક્રુઝર હાઇડર પણ CNG સાથે લૉન્ચ કરવામાં આવશે. ફેક્ટરી ફીટ સીએનજી કીટ સાથે લોન્ચ થનારી આ ભારતમાં પ્રથમ મિડસાઇઝ એસયુવી છે. કંપનીએ આ વાહનનું બુકિંગ પણ શરૂ કરી દીધું છે અને તેને 25,000 રૂપિયાની ટોકન રકમથી બુક કરાવી શકાય છે.

CNG કીટની વાત કરીએ તો, આ વાહનમાં મારુતિ-સોર્સ્ડ 1.5-લિટર K15C, ચાર-સિલિન્ડર એન્જિનનો ઉપયોગ કરવામાં આવશે અને તે જ એન્જિન મારુતિ અર્ટિગા અને XL6 CNGમાં પણ ઉપલબ્ધ છે. કંપનીએ Hyryder CNGના પાવર ફિગરનો ખુલાસો નથી કર્યો, પરંતુ જાણકારી અનુસાર, આ એન્જિન XL6માં CNG મોડમાં 88hp અને 121.5Nmનો પાવર જનરેટ કરે છે.

કંપનીના જણાવ્યા અનુસાર, CNG વેરિઅન્ટ ફક્ત 5-સ્પીડ મેન્યુઅલ ગિયરબોક્સ સાથે આવશે અને Toyota અનુસાર, આ SUV CNG કિટ સાથે 26.10 km/kg સુધીની માઈલેજ આપશે.

કંપનીએ એ પણ જાહેર કર્યું કે Hyryder CNG એ SUVના મિડ-સ્પેક S અને G ટ્રિમ્સમાં ઓફર કરવામાં આવશે. તેનું જી ટ્રીમ ફુલ-એલઇડી હેડલેમ્પ્સ, 17-ઇંચ એલોય વ્હીલ્સ, 9-ઇંચ ટચસ્ક્રીન ઇન્ફોટેનમેન્ટ, એમ્બિયન્ટ લાઇટિંગ અને સાઇડ અને કર્ટન એરબેગ્સ જેવી સુવિધાઓથી સજ્જ છે. Hyryder CNG બાદ મારુતિ તેના ગ્રાન્ડ વિટારાનું CNG વર્ઝન પણ લોન્ચ કરી શકે છે.

તમને જણાવી દઈએ કે મારુતિની ગ્રાન્ડ વિટારા SUV ટોયોટાની અર્બન ક્રુઝર હાઈરાઈડર પર આધારિત છે અને કંપની દ્વારા તેના પેટ્રોલ વેરિઅન્ટમાં હાઈબ્રિડની વિશેષતા પણ આપવામાં આવી છે. તે દેશની સૌથી વધુ માઇલેજ ધરાવતી SUV છે અને સ્ટ્રોંગ હાઇબ્રિડ ટેકનોલોજી સાથે 28Kmpl સુધીની માઇલેજ આપે છે.