જો તમે આ રીતે તમારી કારને રાષ્ટ્રીય ધોરીમાર્ગ પર પાર્ક કરો છો, તો હવે સાવધાન રહો. સરકાર હવે આવા વાહન માલિકો સામે કડક કાર્યવાહી કરવાની તૈયારી કરી રહી છે. તમારા વાહનની હરાજી પણ થઈ શકે છે.
કેન્દ્રીય માર્ગ, પરિવહન અને હાઇવે મંત્રાલયે રાષ્ટ્રીય ધોરીમાર્ગો પર ગેરકાયદેસર રીતે વાહનો પાર્ક કરનારા સામે ભારતીય રાષ્ટ્રીય ધોરીમાર્ગ ઑથોરિટી (એનએચએઆઈ) ને સૂચિત કર્યું છે. જે બાદ નેશનલ હાઇવે ઑથોરિટી હાઈવે પરના અનધિકૃત કાર પાર્ક કરનારાઓ સામે કડક કાયદાઓ લેવામાં આવશે.
એનએચએઆઈ માત્ર આવું કરનારા પાસેથી જ દંડ વસૂલશે, અને તેમના વાહનો જપ્ત કરવાનો પણ અધિકાર હશે. બીજી તરફ જો ઉલ્લંઘન કરનારાઓ એક અઠવાડિયામાં દંડ ભરશે નહીં, તો તેમના વાહનની પણ હરાજી થઈ શકે છે. સરકાર તરફથી સત્તા મેળવ્યા પછી એનએચએઆઈએ અન્ય અધિકારીઓ પર નિર્ભર રહેવું પડશે નહીં.
હાલના નિયમો હેઠળ એનએચએઆઈ પાસે હાઇવે અથવા સર્વિસ લેન પર ગેરકાયદેસર પાર્ક કરેલા વાહનો સામે કાર્યવાહી કરવાની કોઈ સત્તા નથી. હાલમાં એનએચએઆઈ ફક્ત આવા વાહનો જ ઉપાડી શકે છે અને તેમને બાજુ પર લઈ શકે છે. પરંતુ નવી સૂચના અંતર્ગત નિર્ણય લેવાની સત્તા આપવામાં આવી છે.
રાષ્ટ્રીય ધોરીમાર્ગ નિયંત્રણ (જમીન અને ટ્રાફિક) અધિનિયમ 2002 ની કલમ 24 અને 27, તમામ પ્રોજેક્ટ ડિરેક્ટરને હાઇવેના જમીન સંચાલન અને ટ્રાફિક મેનેજમેન્ટ મુદ્દાઓ પર નિર્ણય લેવા માટે સત્તા આપે છે.
તાજેતરની સૂચનામાં રાષ્ટ્રીય ધોરીમાર્ગ અને માળખાગત વિકાસ નિગમ અને રાષ્ટ્રીય ધોરીમાર્ગ વિંગની પીડબ્લ્યુડી પાસે જમીન અને ટ્રાફિક વ્યવસ્થાપન સંબંધિત નિર્ણયો લેવાની સત્તા હશે. આ ઉપરાંત હાઇવેની જમીન પર કબજો અટકાવવા, અતિક્રમણકારોને હટાવવા સામેલ છે. આ સાથે જ પોલીસ અને અન્ય વિભાગોને પણ આ નવી સૂચના અંગે માહિતી આપવામાં આવી છે.
