ટાવર નહીં પાણીના રસ્તે તમારા સ્માર્ટફોન-લેપટોપ સુધી પહોંચે છે Internet

ઈન્ટરનેટ આપણી જિંદગીનું એવું મહત્વનો હિસ્સો છે, જેના વગર આપણે હવે કઈં વિચારી જ નથી શકતા. સોશિયલ મીડિયા, એપ્સ, મેલ, અને કેટલીએ અન્ય જરૂરિયાત ઈન્ટરનેટ પર જ ટકેલી છે. એવામાં હવે વિચારો ઈન્ટરનેટ ન હોય તો, ઘણું બધુ અધુરૂ થઈ જાય. મોટાભાગના યૂઝર્સને એવું લાગે છે કે, ઈન્ટરનેટ ટેલિકોમ કંપનીઓના ટાવર દ્વારા સીધુ પોતાના સ્માર્ટફોન અને કમ્પ્યુટર સુધી પહોંચે છે. પરંતુ અસલમાં એવું નથી. ભારત અને અન્ય દેશમાં યૂઝ થનાર ઈન્ટરનેટનો લગભગ 99 ટકા હિસ્સો સમુદ્રના રસ્તે એક જગ્યાથી બીજી જગ્યાએ પહોંચે છે. તો આવો જાણીએ, કેવી રીતે સમુદ્ર માર્ગે તમારા સ્માર્ટફોનમાં પહોંચે છે ઈન્ટરનેટ...

દુનિયાભરમાં ઈન્ટરનેટની સેવાઓ પહોંચાડવા માટે મુખ્યરૂપે ત્રણ પ્રકારની કંપનીઓ કામ કરે છે. આ કંપનીઓને Tier-1, Tier-2 અને Tier-3ના નામથી ઓળખવામાં આવે છે.

Tier 1 કંપનીઓ દુનિયાભરના દેશોને જોડતા સમુદ્રની અંદર પાયબર ઓપ્ટિક કેબલની જાળ બિછાવે છે. જેનાથી દુનિયાના અલગ-અલગ દેશોને જોડવામાં આવે છે.

ભારતમાં આવો કેબલ મુંબઈ, ચેન્નાઈ, પોંડુચેરી, તિરુવંતપુરમ, કોચ્ચિન અને તૂતીકોરિનમાં છે. સમુદ્રની અંદર આ કેબલને મેટેંનન્સની ગણી જરૂરિયાત રહે છે. આ કેબલની લાઈફ 25 વર્ષની હોય છે.

ત્યારબાદ આવે છે Tier 2 કંપનીઓ, આ કંપનીઓમાં આઈડિયા, એયરટેલ, ટાટા, જેવી ટેલિકોમ કંપનીઓ શામેલ છે. જે ટિયર 1 કંપનીઓ પાસેથી જીબીના રેટથી ઈન્ટરનેટ ખરીદે છે અને આપણા સુધી પહોંચાડે છે.

ત્યારબાદ આગળની કડીમાં Tier 3 કંપનીઓ શામેલ છે. જે આપણા લોકલ ઈન્ટરનેટ સર્વિસ પ્રોવાઈડરના રૂપે કામ કરે છે. જેમના દ્વારા આપણે ઘરોમાં ઓફિસોમાં ઈન્ટરનેટની સર્વિસ ખરીદીએ છીએ.