15 ઓગષ્ટથી અહીંથી કરી શકો છો JioPhone 2નું બુકિંગ, ખાસ છે ફિચર્સ

રિલાયન્સ ઈન્ડસ્ટ્રીઝની 41મી એન્યુઅલ જનરલ મીટીંગમાં રિલાયન્સ જીયો ઈન્ફોકોમ અને રિલાયન્સ રિટેલના બોર્ડ ઓફ ડાયરેક્ટર આકાશ અંબાણી અને ઈશા અંબાણીએ 'JioPhone 2' લોન્ચ કર્યો હતો. આ ફોનની કિંમત રૂ. 2999 છે અને આના ફિચર્ચ પણ શાનદાર છે. જો તમે આ ફોન લેવાનું મન બનાવી રહ્યા છો તો, અમે તમને જણાવીશું કે કેવી રીતે બુકિંગ કરી શકો છો અને તેના ફિચર્ચ શું છે.

જીયોના આ નવા ફોનમાં WhatsApp, Facebook અને Youtube જેવા ફિચર હશે. એટલે કે, તમે આ ફોનમાં તમે તમામ વસ્તુની મજા લઈ શકશો. આ ફોનમાં 2.4 ઈંચની ડિસપ્લે રહેશે. ફોનમાં 512MB રેમ હશે. આમાં તમને 4GBનું ઈન્ટરનલ સ્ટોરેજ મળશે, જેને SD કાર્ડ દ્વારા 128GB સુધી વધારી શકાશે. જો કેમેરાની વાત કરીએ તો JioPhone 2ના રિયરમાં 2 મેગાપિક્સલનો પ્રાઈમરી કેમેરા હશે, જ્યારે સેલ્ફી માટે આ મોબાઈલના ફ્રંટમાં VGA કેમેરા હશે.

આ ફોન Wi-Fi, GPS, બ્લૂટૂથ અને FMથી સજ્જ હશે. JioPhone 2માં 2000mAhની બેટરી હશે, અને આ KAI ઓપરેટિંગ સિસ્ટમ પર ચાલશે. આમાં ક્વાર્ટી કીપેડ હશે. આ ફોનમાં વોઈસ આસિસ્ટંટ માટે એક ડેડિકેટેડ બટન હશે. આ ફોન 24 ભારતીય ભાષાઓને સપોર્ટ કરશે. સાથે, તે વોઈસ કમાંડને પણ સપોર્ટ કરશે.

જો તમે આ ફોનની બુકિંગ કરવા માંગો છો, તો તમારે તેના માટે થોડી રાહ જોવી પડશે. અગામી મહિનાની 15 તારીખે આ ફોન બુકિંગ માટે ઉપલબ્ધ થશે. તમે આનુ બુકિંગ તમારા ફોનથી My Jio app દ્વારા કરી શકશો અથવા જીયોની ઓફિશિયલ વેબસાઈટ www.jio.com પર જઈને કરી શકો છો.

આ સિવાય તમે 15 ઓગષ્ટથી Jio GigaFiber બ્રોડબેંડ સર્વિસ માટે પણ રજિસ્ટ્રેશન કરી શકો છો. આ સર્વિસને દેશભરના 1100 શહેરોમાં લોન્ચ કરવામાં આવશે.