Google Maps લાવ્યું નવું ફીચર, રેસ્ટોરાં પર મળશે 25 ટકા છૂટ

ગત મહિને એન્ડ્રોઇડ માટે સ્ટે સેફર ફીચર લાવ્યા બાદ ગૂગલ મેપ્સ વધુ ત્રણ નવા ફીચર્સ લઈને આવ્યું છે. ગૂગલ મેપ્સે ગુરુવારે આ વિશે જાણકારી આપી. આ ત્રણેય ફીચર્સમાં બે એવા છે જે પહેલાથી જ હતા પરંતુ તેમને ફરીથી બનાવવામાં આવ્યા છે જ્યારે એક નવું ફીચર જોડવામાં આવ્યું છે. આ નવા ફીચસમાં એક્સપ્લોર ટેબ, યૂ એક્સપીરિયન્સ અને ડાઇનિંગ ઓફર્સ સામેલ છે.

શોધી શકાશે શહેરના સારા સ્થળોને : એક્સપ્લોર ટેબમાં કુલ 7 શોર્ટકટ્સ છે- રેસ્ટોરાં, પેટ્રોલ પંપ, એટીએમ, ઓફર્સ, શોપિંગ, હોટલ અને મેડિકલ શોપ્સ. ઉલ્લેખનીય છે કે, ગૂગલ મેપ્સ તેના માટે મશીન લર્નિંગનો ઉપયોગ કરીને ટોપ ભલામણોને ઓટોમેટિકલી ઓળખી લેશે.

એક્સપ્લોર નિયરબાયથી યૂઝર્સ શહેરના બીજા નજીકના સ્થળોને શોધવામાં સફળ થશે. આ ઉપરાંત યૂઝર્સ સિટી નેમ કોલમમા્ર જઈને તે શહેરનું નામ મૂકીને બીજા શહેરોને પણ સર્ચ કરી શકાશે.

ફોર યૂ ટેબ જણાવશે, ક્યાં છે સારી રેસ્ટોરાં : ફોર યૂ ટેબ જણાવશે કે શહેરમાં કયા સ્થળે સારી રેસ્ટોરાં છે. તે શહેરના ટ્રેન્ડિંગ સ્થળો વિશે પણ જણાવશે. વધુ સારી ભલામણ માટે યૂઝર્સને તે એરિયાને પસંદ કરવું પડશે જેમાં તેનો રસ છે.

આ ઉપરાંત ફોર યૂ ટેબથી યૂઝર્સને બિઝનેસ અપડેટ પણ મળશે, નવી ઘટનાઓ વિશે જાણકારી મળશે અને ઓફર્સ વિશે જાણી શકાશે.

ઓફર્સ સેક્શનથી જાણો નવી ઓફર્સ વિશે : નવા ઓફર સેક્શનથી યઝર્સ દેશના 11 નવા મેટ્રો સિટીમાં મળી રહેલી નવી ઓફર્સ વિશે જાણી શકશે. નવી ઓફર્સ વિશે જાણવા માટે આપને ઓફર્સ શોર્ટકટ પર ટેપ કરવું પડશે.

હજુ સુધી આ ફીચરમાં લગભગ ચાર હજાર રેસ્ટોરાં વિશે જાણકારી આપવામાં આવી છે અને થોડાક જ સમયમાં તેને વધારવાના પ્રયાસ કરવામાં આવશે. તેના માટે ગૂગલે 11 શહેરોમાં પોપ્યુલર રેસ્ટોરાં પર 25 ટકા ડિસ્કાઉન્ટની જાહેરાત કરી છે.

નવા ફીચર વિશે જણાવતાં ગૂગલ મેપ્સના ડાયરેક્ટર કૃશ વિતલદેવરાએ કહ્યું કે, અમે સાંભળ્યું છે કે ભારતીય મેપ યૂઝર્સ વધુ એસિસ્ટિવ અને વિજ્યૂઅલ બ્રાઉસિંગ એક્સપીરિયન્સ પસંદ કરે છે, જે એક્સેસ કરવામાં સરળ હોય. આ દિશામાં પ્રયાસ કરી રહ્યા છીએ.