Google Maps માં આવ્યા આ ખાસ ફીચર્સ, ઉપયોગ કરવો પહેલા કરતાં બની જશે સરળ

Google એ I/0 2022માં ઘણાં પ્રોડક્ટ્સ રજૂ કર્યા છે અને કેટલાક પ્રોડક્ટ્સની સર્વિસીઝમાં પણ ફેરફાર કર્યો છે. ઇવેન્ટમાં કંપનીએ ગૂગલ સર્ચ (Google Search), ગૂગલ મેપ્સ (Google Maps) અને ગૂગલ અસિસ્ટન્ટ (Google Assistant) ને પહેલા કરતાં સારું બનાવ્યું છે. જો કે, આમાં આવેલા નવા ફીચર્સનો ઉપયોગ કરવા માટે તમારે થોડી રાહ જોવી પડશે, અને આ વર્ષના અંત સુધીમાં તે યુઝર્સ માટે અવેલેબલ થઈ જશે. આવો જાણીએ નવા ફીચર્સ વિશે...

ગૂગલે હાલમાં જ મલ્ટી સર્ચ (Multi Search) ફીચર શરુ કર્યું હતું. હવે તે આ ફીચરને લોકલ ઇન્ફોર્મેશનની દ્રષ્ટિએ વધુ યુઝફુલ બનાવી રહ્યું છે. ટેક્સ્ટ અને ઇમેજના ઉપયોગથી તમે વિવિધ પ્રકારની લોકલ જાણકારી મેળવી શકશો. તમે આ માટે ગૂગલ લેન્સનો પણ ઉપયોગ કરી શકો છો. ગૂગલ લેન્સ ગૂગલની ઇમેજ રેકગ્નિશન ટેકનોલોજી છે.

આ ફીચરની મદદથી તમે ફૂડ, અપેરલ અને હોમ ગુડ્ઝ જેવી કેટેગરીના પ્રોડક્ટ્સનો ફોટો અથવા સ્ક્રીનશોટ લઈ શકો છો. પછી તેને ‘નિયર મી’ ટેક્સ્ટ ક્વેરીમાં જોડી શકો છો. ઉદાહરણ તરીકે જણાવીએ તો, જો તમને કોઈ ફૂડ ટ્રાય કરવું છે, તો તમે તેનો ફોટો ‘નિયર મી’ ટેક્સ્ટ ક્વેરીમાં નાખી શકો છો.

પછી કંપની વેબ પેજ પર નાખવામાં આવેલી લાખો ઇમેજ અને રિવ્યુને સ્કેન કરશે. અને પછી, તે મેપ્સ કન્ટ્રીબ્યુટર્સને પોતાની કમ્યુનિટીની મદદથી તમારી આસપાસના એ સ્પોટ વિશે જણાવશે, જે આ ડિશ ઓફર કરે છે.

ગૂગલે વિઝ્યુઅલ સર્ચ આધારિત ‘સીન એક્સપ્લોરેશન’ ફીચર વિશે પણ જણાવ્યું છે, જેનાથી તમે પોતાના કેમેરાને પેન કરીને એક સાથે ઘણી ચીજો વિશે જાણકારી મેળવી શકો છો. જેમ કે, તમે બુકસ્ટોર જઈ શકો છો. ત્યાં તમે બુક્સ વિશે એડિશનલ ઇન્ફોર્મેશન માટે બુકશેલ્ફને સ્કેન કરી શકો છો.

ગૂગલ મેપ્સમાં પણ આ નવું ફીચર જોડવામાં આવી રહ્યું છે. તેની મદદથી તમે કોઈ લોકેશન પર જતાં પહેલા તેને એક્સપીરિયન્સ કરી શકશો. આ ફીચરની મદદથી તમે જાણી શકશો કે એ જગ્યા દિવસના અલગ-અલગ સમયે કેવી દેખાય છે. ત્યાનું હવામાન અને ટ્રાફિક કંડીશન કેવા છે. તેને Immersive View નામ આપવામાં આવ્યું છે. તેનાથી તમે કોઇપણ શહેરની પોપ્યુલર જગ્યાઓ વિશે વધુ જાણી શકશો.