ફોન માટે ખતરનાક છે આ 27 Apps, ગૂગલે પ્લે સ્ટોરથી હટાવી

ગૂગલે પોતાના પ્લે સ્ટોરથી 27 એન્ડ્રોઇડ એપ્સને ડિલીટ કરી દીધી છે. આ એપ્સ યૂઝર્સને નકલી પ્લે સ્ટોર ડાઉનલોડ કરવા માટે પ્રેરિત કરતી હતી. ક્વિક હીલ (Quick Heal)ટેક્નોલોજીએ આ મેલિશિયસ એપ્સની ઓળખ કરી અને ગૂગલને તેની જાણકારી આપી હતી. ક્વિક હીલ સિક્યુરિટી લેબે જણાવ્યું કે આ એપ્સને એડવેયરથી ડિવાઇસોને પ્રભાવિત કરવા માટે બનાવવામાં આવી હતી અને તે યૂઝર્સને સતત નકલી પ્લે સ્ટોર ડાઉનલોડ કરવા માટે પ્રેરિત કરતી હતી.

આ એપ્સ યૂઝર્સને ગેમ રમવા માટે ગૂગલ પ્લે સ્ટોર ઇન્સ્ટોલ કરવા કહેતી હતી. જો યૂઝર એવું ન કરે તો તેમને સતત ઇન્સ્ટોલ કરવાનું પોપ-અપ દેખાતું હતું.

જો કોઈ નકલી ગૂગલ પ્લે સ્ટોર ઈન્સ્ટોલ કરી લે તો તેને વારંવાર ફુલ સ્ક્રીન જાહેરાત શરૂ થઈ જતી હતી. આ એપ બેકગ્રાઉન્ડમાં હંમેશા ચાલતી રહેતી હતી અને જ્યાં સુધી તેને મેન્યુઅલી અનઇન્સ્ટોલ ન કરવામાં આવે ત્યાં સુધી પરાણે જાહેરાત પોપ-પ કરતી રહેતી હતી.

આ પહેલા પણ નકલી એપ્સને લઈને અનેક જાણકારીઓ સામે આવી ચૂકી છે. એક્સપર્ટ્સ જણાવે છે કે આ પ્રકારની એડવેયર એપ્સનો ઉદ્દેશ્ય વારંવાર જાહેરાત દર્શાવીને પૈસા કમાવવાનું છે. આ ઉપરાંત, નકલી એપ્સથી યૂઝર્સનો મોબાઇલ ડેટા ઉપર પણ ખતરો રહે છે.

ક્વિકહીલે કહ્યું કે આ તમામ એપ્સને એક જ ડેવલપર AFAD ડ્રિફ્ટ રેસરે બનાવી છે અને તમામ એપ્સ કાર રેસિંગ ગેમ કેટેગરીમાં હતી.

તેમાં SLS Car Drift, Amarok Car Drift, M3 Sports Car Drift, Cio Sport Car drift, Mustang Car Drift, Skyline GTR Car Drift, Cooper Car Drift, Mustang 74 Car Drift, F500 Car Drift નામની કાર રેસિંગ નામની એપ્સ સામેલ છે.