હવે ઉડતી કાર દુનિયામાં ટૂંક સમયમાં લોન્ચ થવા જઇ રહી છે. જાપાનની ઇલેક્ટ્રોનિક્સ ઉત્પાદક એનઈસી કોર્પ (એનઈસી) એ સોમવારે તેની ઉડતી કારની ઝલક આપી હતી. કંપનીના અધિકારીઓ કહે છે કે તેમની ઉડતી કાર અનમેન્ડ (માનવરહિત) ફ્લાઇટ્સ માટે બનાવવામાં આવી છે.
પરીક્ષણ દરમિયાન આ કાર લગભગ એક મિનિટ સુધી હવામાં એક જ જગ્યા પર રહી અને 3 મીટર (લગભગ 10 ફુટ) સુધી ઉંચાઇ સુધી ગઇ, તેનું એનઇસીના એકમમાં પરીક્ષણ કરવામાં આવ્યું છે.
કાર દેખાવમાં ડ્રોનની જેમ એક મોટા મશીન જેવી લાગે છે, જેમાં ચાર પંખા (પ્રોપેલર્સ) લાગેલા છે. સલામતીને ધ્યાનમાં રાખીને આ પરીક્ષણ એવી જગ્યાએ કરવામાં આવ્યું જ્યાં ચારે બાજુ જાળ ફેલાયેલી હતી.
અધિકારીઓ કહે છે કે જાપાનને આ મામલે વિશ્વ નેતા બનવાની મોટી તક છે, કારણ કે સરકાર અને ખાનગી ક્ષેત્ર સાથે મળીને વધુ સારા કામ કરી રહ્યા છે.
આ રીતના સમાન પ્રોજેક્ટ્સ સમગ્ર વિશ્વમાં આવી રહ્યા છે. થોડા સમય પહેલા સમાચાર આવ્યા હતા કે યુ.એસ. માં ઉબેર એર ટેક્સી પર પણ કામ થઇ રહ્યું છે.
