E-mail હોય કે ચેટિંગ, તમારા અંગ્રેજીની તમામ ભૂલને સુધારશે આ એપ

અંગ્રેજીમાં મેઈલ લખવાનો હોય કે કોઈની સાથે ચેટિંગ, જો તમને પણ આવા કામ કરવામાં મુશ્કેલી થઈ રહી છે. અથવા કોઈ ભૂલ ન થાય તેની ચિંતા સતાવી રહી હોય તો હવે પરેશાન થવાની જરૂર નથી. હવે તમે માત્ર એક એપની મદદથી કોઈ મુશ્કેલી વગર ઈંગ્લિશમાં મેલ લખી શકો છો. આ સિવાય ચેટિંગ દરમ્યાન પણ તમને કોઈ પરેશાની નહી થાય. આ એપ પૂરી રીતે ફ્રી છે, અને તમે તેને પોતાના ફોનમાં જ્યારે ઈચ્છો ત્યારે ઈન્સ્ટોલ કરી શકો છો.

Grammarly Keyboard નામની આ એપને તમારે પ્લેસ્ટોરમાંથી ડાઉનલોડ કરવાની રહેશે. ત્યારબાદ જ્યારે પણ અંગ્રેજીનો કોઈ શબ્દ ખોટો લખશો તો, તે તમને કરેક્ટ કરવામાં મદદ કરશે. આ કીબોર્ડ તમામ એપ્સ સાથે કામ કરે છે, અને તમે સરળતાથી આને સેટ કરી શકો છો.

તમને જણાવી દઈએ કે, Grammarly Keyboard એક વેબસાઈટ છે, જેનું ગૂગલ એક્સટેન્શન પણ છે. આને તમે તમારા બ્રાઉઝર પર એચેટ કરી શકો છો, અને આ તમારા દ્વારા લખવામાં આવી રહેલા ટેક્સ્ટમાં થતી ભૂલોને હાઈલાઈટ કરશે અને આની માટે સાચો શબ્દ બતાવશે.

શું છે Grammarly - ગ્રામર્લી એકદમ કમાલની સર્વિસ છે. આની દ્વારા ઈંગ્લીશની ભૂલોને સુધારી શકાય છે. જો તમે મેઈલ લખી રહ્યા હોય, ટ્વીટર, ફેસબુક અને સોશિયલ મીડિયા પર કોઈ સ્ટેટસ નાખી રહ્યા હોવ, તો આ તમારી માટે ખુબ યૂઝફૂલ છે.

ગ્રામર્લી દ્વારા તમે સ્પેલીંગ કરેક્ટ કરી શકો છો. જેવું તમે આ એપ રજિસ્ટર કરો છો, તે તમારા ક્રોમ એક્સટેન્શનમાં સેવ થઈ જાય છે. ત્યારબાદ, સેટિંગ્સમાં જઈ તમે આને યૂઝ કરી શકો છો.