Facebook હોય કે Twitter ભૂલથી પણ ના શેયર કરતા આ વાતો!

સોશ્યલ મીડિયા પર સતત રહેલા લોકો પણ ક્યારેક તેવી ભૂલો કરી દે છે જેના કારણે તે મુશ્કેલીમાં પડી જાય છે. ફેસબુકમાં જ્યારે તમે ચેકિંગ ઇન કરો છો તો દુનિયાભરના લોકો જાણી જાય છે કે તમે ક્યાં છો. જો કે તમને પોતાને પણ ખબર નથી હોતી કે તમારી સોશ્યલ મીડિયા એક્ટિવીટી કોણ ટ્રેક કરી રહ્યું છે. માટે આવી વસ્તુઓ સોશ્યલ મીડિયા પર શેયર ના કરવી જોઇએ.

તમારી જન્મતિથિ પણ તમારે ફેસબુક પર ના આપવી જોઇએ. ફેસબુક પર આવી જાણકારી આપવી તમને કદાચ સામાન્ય લાગતું હોય પણ ધણીવાર તમે તમારી જન્મતિથિ પાસવર્ડ તરીકે ઉપયોગમાં લેતા હોવ છો. અને ઓનલાઇન સોશ્યલ મીડિયા પર તમારી આ નિર્દોષ ભૂલ કોઇનો ફાયદો કરાવી જવામાં ફાયદાકારક સાબિત થાય છે.

તમારી લોકેશન સોશ્યલ મીડિયા પ્લેટફોર્મ પર શેયર કરવાથી પણ તમને નુક્શાન પહોંચી શકે છે. તેવામાં કોઇ પણ તમે હાલ ક્યાં છો તે જાણી શકે છે. અને તેનો અયોગ્ય ફાયદો પણ ઉઠાવી શકે છે. માટે આવું કરવાનું ટાળો.

તમારો ફોન નંબર સોશ્યલ મીડિયા સાઇટ પર ખાસ કરીને ફેસબુક ઓનલી મીના પ્રાઇવસી સેટિંગ સાથે રાખો. ધણીવાર મોટી ઉંમરના લોકો ફેસબુક ખોલતી વખતે આ ભૂલ કરે છે અને પાછળથી પસ્તાય છે. માટે આમ ના કરો.

વળી તમે રજા પર ગયા હોવ તો તમારો વેકેશન પ્લાન અને તેના પળે પળેની ડિટેલ અનેક લોકો સોશ્યલ મીડિયા પર પોતાના સોશ્યલ સ્ટેટસની પ્રમોટ કરવા માટે કરતા હોય છે. શ્રેષ્ઠ તે જ રહેશે કે તમે જ્યારે પાછા આવી જાવ પછી કેટલીક તસવીરો શેર કરો નહીં તો કેટલીક વાર કેટલાક તોફાની તત્વો તમારી આ જ ભૂલો ફાયદો તમારી ગેરહાજરીમાં ઉઠાવતા હોય છે.