સસ્તી કિંમતમાં લૉન્ચ થઈ બ્લુટૂથ કૉલિંગવાળી શાનદાર BoAt Smartwatch, મળશે 11 સ્પોર્ટ્સ મોડ

boAtએ તેની પહેલી બ્લુટૂથ કૉલિંગ સ્માર્ટવોચ boAt Primia લૉન્ચ કરી છે. આ શાનદાર સ્માર્ટવોચમાં AMOLED ડિસ્પ્લે મળે છે. સાથે જ તેમાં બિલ્ટ-ઇન સ્પીકર, એક માઇક્રોફોન અને એક મેટલ ડિઝાઈન, એક લેધર સ્ટ્રેપ છે. ગ્રાહકોને તેમાં 1.39 ઇંચની ડિસ્પ્લે મળશે, જેનું રેઝોલ્યુશન 454x454 પિક્સલ છે.

સૌથી પહેલા કિંમતની વાત કરીએ તો બ્લુટૂથ કૉલિંગવાળી boAt Primia સ્માર્ટવોચ Amazon અને boat વેબસાઈટ પર 3,999 રૂપિયાની શરૂઆતી કિંમત પર ઉપલબ્ધ થશે. ત્યારબાદ આ વોચ 4,499 રૂપિયામાં ઉપલબ્ધ થશે.

ખાસ વાત એ છે કે આ સ્માર્ટવોચ વોઇસ અસિસ્ટન્ટને સીધું એક્સેસ કરવાની પરમિશન આપે છે. યુઝર્સ પોતાના સ્માર્ટફોન પર Google અને સિરી વોઇસ અસિસ્ટન્ટથી કનેક્ટ થઈ શકે છે. Primia તમને પ્લે કરવાનો, સ્ટોપ કરવાનો કે મનપસંદ ટ્રેક સિલેક્ટ કરવાનો કે સ્માર્ટફોનના માધ્યમથી ફોટો ક્લિક કરવાની મંજૂરી આપે છે. કંપનીનો દાવો છે કે તેની બેટરી 7 દિવસ સુધી ચાલી શકે છે.

BoAt Primiaમાં ટેક્સ્ટ, ઈમેલ, કોલ માટે સ્માર્ટ અપડેટ અને નોટિફિકેશન સામેલ છે. આ સાથે જ, boat Primia સ્માર્ટવોચમાં ઇન-બિલ્ટ હાર્ટ રેટ, SPO2 અને સ્ટ્રેસ લેવલ ટ્રેકર, સ્ટેપ કાઉન્ટ, કેલરી બર્ન રેકોર્ડ અવેલેબલ છે.

તેમાં સ્લીપ ટ્રેકર પણ છે જે સ્લીપિંગ પેટર્ન સાથે આવે છે અને તેમને સ્માર્ટ રીતે ગાઈડ કરે છે. તેમાં બાસ્કેટબોલ, બેડમિન્ટન, ફૂટબોલ, સાઇકલિંગ, યોગ, ટ્રેડમિલ અને રનિંગ જેવી ગેમ માટે 11 એક્ટિવ સ્પોર્ટ્સ મોડ છે.