એપલ પોતાનો નવો ફોન લોન્ચ કરવાની તૈયારીમાં છે. તેનું નામ iPhone 11 કે પછી iPhone XI હોઈ શકે છે. આ ફોન આમ તો ખાસ હશે જ પરંતુ તેમાં એક એવું ફીચર પણ હોઈ શકે છે જેના માટે સેમસંગ ગેલેક્સીની નોટ સીરીઝ પ્રખ્યાત છે. શું છે એ ફીચર આવો જાણીએ...
જોવા મળશે પેન્સિલ : હવે જે આઇફોન લોન્ચ થશે તેમાં પેન્સિલ સપોર્ટ જોવા મળી શકે છે. એક રિપોર્ટ મુજબ, એપલ 2019માં જે આઈફોન લોન્ચ કરશે તેમાં સ્ટાઇલસ સપોર્ટ પણ ઉમેરી શકે છે. આ પહેલીવાર નથી જ્યારે એપલની પેન્સિલ સપોર્ટને લઈને જાણકારી સામે આવી છે.
આ પહેલા ગયા વર્ષે ટોપ એનાલિસ્ટ મિંગ-ચીએ પ્રેડિક્ટ કર્યુ હતું કે એપલ પોતાના અપકમિંગ મોબાઇલ્સમાં પેન્સિલ માટે સપોર્ટ એડ કરવા વિશે વિચારી રહી છે. જોકે, તેઓએ આ વાતનો ખુલાસો નથી કર્યો કે આઈફોનમાં ક્યારે અને કયા મોડલમાં પેન્સિલ સપોર્ટ આપવામાં આવશે.
એપલ પેન્સિલ સપોર્ટને લઈને છે સિરિયસ : આ ઉપરાંત કોરિયા હેરાલ્ડમાં પણ 2017માં રિપોર્ટ સામે આવ્યો હતો કે આઈફોન 2019માં એપલ પેન્સિલ કે સ્ટાઇલસ સપોર્ટ લોન્ચ કરી શકે છે. એપલ પહેલીવાર 2015માં iPad Proની સાથે પેન્સિલ લાવ્યું હતું.
બીજી તરફ, ગયા વર્ષે જ કંપનીએ સેકન્ડ જનરેશનલ એપલ પેન્સિલ લોન્ચ કરી હતી જે iPad Proની સાથે કામ કરે છે. આપને જણાવી દઈએ કે એપલે પેન્સિલ સપોર્ટની પાછળ થોડાક મહિનાઓમાં ઘણો ખર્ચ કર્યો છે.
તેણે પોતાના સસ્તા iPad (નવા આઇપેડ એયરસ અને આઈપેડ મિનિ ફિફ્થ જનરેશન)માં પણ પેન્સિલ સપોર્ટનું ફીચર આપ્યું છે. એ વાતથી આપણે એ ચોક્કસ કરી શકીએ કે એપલને સ્ટાઇલરની ખૂબ જરૂર છે.
