આજે લૉન્ચ થશે ત્રણ નવા iPhone, અહીં જુઓ LIVE

ટેક જાયન્ટ કંપની એપલ નવી આઇફોન સિરીઝ લૉન્ચ કરશે. અપેક્ષા રાખવામાં આવે છે કે આ શ્રેણીમાં આઇફોનનાં ત્રણ નવા મોડેલો સામેલ હશે. આ સિરીઝ હેઠળ નિયમિત iPhone 11 ઉપરાંત iPhone 11 R અને iPhone 11 Max લૉન્ચ કરી શકાય છે. આ માહિતી અનેક વખત લીક થયેલા અહેવાલોમાં સામે આવી છે.

એપલની વિશેષ ઇવેન્ટ કેલિફોર્નિયાના કૂપર્ટિનો સ્ટીવ જોબ્સ થિયેટરમાં યોજાશે. ઇવેન્ટની શરુઆત 10:00am PDT ભારતીય સમય મુજબ રાત્રે 10.30 વાગ્યે શરૂ થશે. આ ઇવેન્ટનું લાઇવ સ્ટ્રીમિંગ કંપનીના યૂટ્યુબ પેઇઝ પર જોઇ શકાય છે. એપલના ઇતિહાસમાં આ પહેલી વાર હશે જ્યારે કંપની યૂટ્યુબ દ્વારા ઇવેન્ટનું લાઇવ સ્ટ્રીમિંગ કરશે.

યૂટ્યુબની સાથે ઇવેન્ટને કંપનીની વેબસાઇટ પર લાઇવ પણ જોઇ શકાય છે. તેને iPhone, iPad, iPod ટચ મૉડલ અથવા Mac કોમ્પ્યુટરમાં Safariની મદદથી જોઈ શકાય છે. આ ઉપરાંત કંપની ઇવેન્ટનું લાઈવસ્ટ્રીમિંગ ટ્વિટર પર પણ કરી શકે છે.

એપલનાં નવા આઇફોન 11 મોડેલોનાં પ્રી ઓર્ડર 13 સપ્ટેમ્બરથી શરૂ કરી શકાય છે અને 20 સપ્ટેમ્બરથી સ્ટોર્સમાં ઉપલબ્ધ છે. પ્રાપ્ત માહિતી અનુસાર, iPhone 11, iPhone 11 R અને iPhone 11 Max ઉપરાંત કંપની iOS 13 ની પણ જાહેરાત કરી શકે છે.

એપલની સ્પેશિયલ ઇવેન્ટમાં આઇફોનનાં નવા મોડેલો ઉપરાંત Apple Watch, Apple TV અને સૉફ્ટવેર અપડેટ્સ પણ લૉન્ચ કરી શકાય છે. એવી અપેક્ષા છે કે કંપની MacBook Pro પણ લૉન્ચ  કરશે. નવા આઇફોન 11 મોડેલો વિશે વાત કરતા તેમાંથી એક iPhone XRનું અપગ્રેડ કરેલું વર્ઝન હશે. આ કિસ્સામાં તેની કિંમત પણ ઓછી હશે.

બીજી બાજુ, આઇફોન 11 અને આઇફોન 11 મેક્સ વિશે વાત કરીએ તો તેમની ડિઝાઇનમાં કોઈ મોટા ફેરફારોની અપેક્ષા નથી, પરંતુ પાછળની પેનલમાં ફેરફાર શક્ય છે. એવું અનુમાન પણ લગાવવામાં આવી રહ્યું છે કે આ વખતે ત્રણેય મોડેલોમાં OLED ડિસ્પ્લે આપી શકાય છે. નવા આઇફોન 11 સિરીઝમાં જનરેશન એ13 પ્રોસેસર આપી શકાય છે. જે પહેલા કરતા વધુ ઝડપથી હશે.

પ્રાપ્ત માહિતી અનુસાર એપલ ટીવી પણ ઇવેન્ટ દરમિયાન લૉન્ચ કરી શકાશે અને તેમાં એ 12 પ્રોસેસર પણ આપી શકાય છે. એપલ વૉચ 5 ની વાત કરીએ તો આમાં પણ કોઈ મોટા ફેરફારની અપેક્ષા નથી. જોકે નવા કેસ મળી શકે છે. એક રિપોર્ટ અનુસાર કંપની આ વખતે બ્લૂટૂથ ટ્રેકિંગ TAG પણ લૉન્ચ કરી શકે છે. આ ટૈગની મદદથી ટૂંકી શ્રેણીના રેડિયો ટેકનીકની સહાયથી ડિવાઇસથી ચોક્કસ લોકેશન મળશે. કિંમતની વાત કરીએ તો આઇફોન 11 ની પ્રારંભિક કિંમત 1000 ડૉલર (લગભગ 75,541 રૂપિયા) હોઈ શકે છે.