Amazonના કર્મચારીનો ચોંકાવનારો ઘટસ્ફોટ, કહ્યુ - અમારાથી સારી ટ્રિટમેન્ટ તો...

એમેઝોનના કર્મચારીઓ સાથે અયોગ્ય વર્તન વિશે વાત કરતા ડેરેન વેસ્ટવુડ નામના કર્મચારીએ બીબીસી બ્રેકફાસ્ટને જણાવ્યું હતું કે, તે ઈચ્છે છે કે અમારી સાથે રોબોટ્સ જેવું વર્તન કરવામાં આવે. કારણ કે, અહીંયા અમારા કરતાં રોબોટ્સને વધુ સારી રીતે રાખવામાં આવે છે.

અન્ય એક કર્મચારીએ એવો પણ આક્ષેપ કર્યો હતો કે, ‘જ્યારે વસ્તુઓ ખરાબ થાય છે ત્યારે રોબોટ્સ ટેકનિશિયન તરફ વળે છે. પરંતુ જ્યારે વસ્તુઓ ખરાબ થઈ જાય છે ત્યારે તેમની પાસે કોઈ બીજો રસ્તો હોતો નથી.’

એમેઝોને તેના કેટલાક કર્મચારીઓનું વેતન વધારીને £10.50 પ્રતિ કલાક કર્યું છે. જો કે, કામદારો £15 પ્રતિ કલાકની માંગણી કરી રહ્યા છે. કારણ કે, અમેરિકામાં એમેઝોન તેમના કર્મચારીઓને આ જ પગાર આપે છે.

કર્મચારીઓને વધુ પૈસા જોઈએ છે, કારણ કે તેમને લાગે છે કે તેમને વધુ પૈસા મળવાને લાયક છે. કારણ કે, તેઓ સખત મહેનત કરી રહ્યા છે અને મોંઘવારીને કારણે તેઓ તેમની જરૂરિયાતની વસ્તુઓ પોષાતી નથી.

કામદારોનું પ્રતિનિધિત્વ કરનારી GMB યુનિયન એમેઝોનને કામદારોની ચિંતાઓ સાંભળવા અને તેમને પગાર વધારો આપવાનું કહી રહ્યું છે. એમેઝોનના પ્રવક્તાએ કહ્યું છે કે, ‘તેમને અપેક્ષા છે કે, હડતાળથી ડિલિવરીમાં વિક્ષેપ પડશે.’

પ્રવક્તાએ ઉમેર્યું હતું કે, કંપનીને 'સ્પર્ધાત્મક પગાર ઓફર કરવામાં ગર્વ છે' જે સ્થાનના આધારે £10.50થી £11.45 પ્રતિ કલાક સુધી શરૂ થાય છે.

આ સાથે કંપનીએ એમ પણ કહ્યું હતું કે, કર્મચારીઓને મેડિકલ ઈન્સ્યોરન્સ અને સસ્તા ભોજન જેવી ઘણી સુવિધાઓ પણ આપવામાં આવે છે.