રૂ. 75ના આ પ્લાનમાં કરો પૂરો મહિનો વાતો, ઈન્ટરનેટ પણ છે ફ્રી

ટેલિકોમ કંપનીઓ વચ્ચે સસ્તા પ્લાનને લઈ હરીફાઈ ચાલી રહી છે. દર બીજા દિવસે કંપનીઓ નવા-નવા પ્લાન રજૂ કરી ગ્રહકોને આકર્ષવામાં લાગી છે. આ હરીફાઈ વચ્ચે ભારતીય એરટેલ પણ ગ્રાહકોને આકર્ષવા પ્રયત્ન કરી રહી છે. એરટેલે રૂ. 75નો નવો પ્રિ-પેઈડ પ્લાન રજૂ કર્યો છે, જેની વેલિડીટી 28 દિવસની છે. આ પ્લાનમાં યૂઝર્સને 1GB ડેટા આપવામાં આવશે. તમને જણાવી દઈએ કે, આ પહેલા હમણાં જ આઈડીયાએ પણ બજારમાં રૂ. 75નો એક પ્લાન રજૂ કર્યો છે.

Ideaના રૂ. 75ના પ્રી-પેઈડની વાત કરીએ તો, આ પ્લાનમાં 1GB 2G/3G/4G ડેટા, 300 મિનિટ વોઈસ કોલિંગ અને 100 એસએમએસ મળે છે. કસ્ટમર્સ આનો ફાયદો 28 દિવસ સુધી ઉઠાવી શકે છે. 12 year old girl using I phone cellphone (Photo by: Digital Light Source/UIG via Getty Images)

ટેલિકોમ ટોકના રિપોર્ટ અનુસાર, એરટેલના રૂ. 75ના આ પેકમાં પ્રી-પેઈડ યૂઝર્સ 300 મિનીટ લોકલ કોલ, એસટીડી અને આઉટ ગોઈંગ રોમિંગ વોઈસ કોલ્સ જેવી સુવિધા મળશે. આમાં 1GB 2G/3G/4G સિવાય 28 દિવસ સુધી 100 એસએમએસનો ફાયદો પણ આપવામાં આવશે.

આ પહેલા Airtelએ કેટલીએ વખત ઓછી કિંમતવાળા પ્લાન રજૂ કર્યા છે. હાલમાં જ કંપનીએ રૂ. 47નો પ્રી-પેઈડ પેક લોન્ચ કર્યો હતો, જેની વેલિડીટી 28 દિવસની છે. આ પ્લાનમાં 125 મિનીટ લોકલ, એસટીડી અને નેશનલ રોમિંગ સાથે 500એમબી ડેટા અને 50 એસએમએસની સુવિધા આપવામાં આવી રહી છે.