Airtel ગ્રાહકોને ઝટકો! Amazon Prime Videoનું ફ્રી સબસ્ક્રિપ્શન હવે એક વર્ષ માટે નહીં મળે, જાણો વિગત

Airtel Amazon Prime Video Service: ટેલિકોમ કંપની એરટેલ (Airtel)એ પોતાના પોસ્ટપેડ ગ્રાહકોને મોટો ઝટકો આપ્યો છે. મોબાઇલ પર એન્ટરટેનમેન્ટ માટે ફ્રીમાં મળતી સેવામાં એરટેલે ઘટાડો કર્યો છે. તેની અસર ગ્રાહકોના મનોરંજન પર પડશે. (Image- shutterstock)

એરટેલે પોતાના પોસ્ટપેડ પ્લાન્સ સાથે આપવામાં આવતા Amazon પ્રાઇમ વિડીયોના ફ્રી સબસ્ક્રિપ્શનને ઘટાડીને અડધું કરી નાખ્યું છે. ટેલિકોમ ટોકની એક રિપોર્ટ મુજબ, ફ્રી સબસ્ક્રિપ્શનને એક વર્ષના ડ્યુરેશનથી ઘટાડીને 6 મહિના કરી નાખવામાં (Amazon Prime Video Airtel) આવ્યું છે. (Image- shutterstock)

પોસ્ટપેડ પર આ ઓફર: એરટેલ 5 પોસ્ટપેડ પ્લાન્સ (Airtel Postpaid Plans) ઓફર કરે છે. તેમાંથી કંપની 4 પ્લાન પર એમેઝોન પ્રાઇમ વિડીયોનું એક વર્ષનું ફ્રી સબસ્ક્રિપ્શન આપતી હતી. તેને ઘટાડીને હવે 6 મહિના કરી નાખવામાં આવ્યું છે. (Image- shutterstock)

આ પ્લાન્સમાં 499 રૂપિયા, 999 રૂપિયા, 1199 રૂપિયા અને 1599 રૂપિયાવાળા પ્લાન સામેલ છે. આ ફેરફાર ફક્ત એમેઝોન પ્રાઇમ વિડીયો માટે કરવામાં આવ્યો છે. આ પ્લાન્સમાં ડિઝની પ્લસ હોટસ્ટાર (Disney+ Hotstar)નું મળતું ફ્રી સબસ્ક્રિપ્શન પહેલાંની જેમ એક વર્ષ સુધી મળતું રહેશે. (Image- shutterstock)

આ ચાર પોસ્ટપેડ પ્લાનમાં એરટેલ ડેઇલી 100 ફ્રી SMS સાથે અનલિમિટેડ કોલિંગની સુવિધા પણ આપે છે. આ ઉપરાંત એમેઝોન પ્રાઇમ વિડીયો સાથે એરટેલ એક્સસ્ટ્રીમ (Airtel Xstream) અને ડિઝની+ હોટસ્ટારનું ફ્રી સબસ્ક્રિપ્શન મળે છે.

જ્યારે 1599 રૂપિયાવાળા પ્લાનમાં નેટફ્લિક્સનું પણ ફ્રી સબસ્ક્રિપ્શન મળે છે. સાથે જ 200 ISD મિનટ્સ પણ મફત મળે છે. એરટેલનો પોસ્ટપેડ પ્લાન 299 રૂપિયાથી શરુ થાય છે. તેમાં એમેઝોન પ્રાઇમ વિડીયોનું ફ્રી સબસ્ક્રિપ્શન નથી આપવામાં આવતું. (Image- shutterstock)