ધ્રાંગધ્રા: સેનાના જવાનોએ બોરવેલમાં પડેલી મનિષાને હેમખેમ બહાર કાઢી, તસવીરોમાં જુઓ સમગ્ર ઓપરેશન

સુરેન્દ્રનગર: ધ્રાંગધ્રા (Dhrangadhra) તાલુકાના ગાજણવાવ ગામમાં આજે સવારે દુર્ઘટના (Surendranagar Accident) ઘટી હતી. ગામના ખેતરમાં આવેલા બોરવેલમાં બાળકી બોરવેલમાં (girl stuck in borewell at Surendranagar) પડી ગઇ હતી. બાળકી બોરવેલમાં આશરે 40 ફૂટ નીચે ફસાઇ ગઇ હતી. તેને આર્મીની (Army team rescue operation) ટીમે ત્યાં આવીને ચાર કલાકની જહેમત બાદ બહાર કાઢી છે.<br />આ અકસ્માત સર્જાતા જ ધ્રાંગધ્રા મામલતદાર અને ડિઝાસ્ટર સહિતની ટીમ ઘટનાસ્થળે પહોંચી ગઇ હતી.

આ બોરવેલ આશરે 500થી 700 ફૂટ ઉંડો હતો. બાળકી રમતાં રમતાં બોરવેલમાં પડતા 40 ફૂટે ફસાઇ ગઇ છે. આ બાળકી ખેતમજુરી કરવા આવેલા પરપ્રાંતિય પરિવારની છે. હાલ આ બાળકીને બચાવવાના પ્રયાસો ચાલી રહ્યા છે. આ દુર્ઘટનાને કારણે હાલ આખા ગામમાં ચકચાર મચી જવા પામી છે.<br />રેસ્ક્યૂની ટીમ અને ફસાયેલી દીકરી મનિષા વચ્ચે વાતચીત પણ થઇ હતી.

ઓપરેશન દરમિયાન મનિષાએ કહ્યુ હતુ કે, તેને માથું દુખે છે. ત્યારે ડોક્ટરે કહ્યુ હતુ કે, હું તને જે મોકલું છું તે તારા કમરના ભાગના કપડામાં ભરાવી દેજે.

આર્મીની ટીમ ઘટના સ્થળ પર પહોંચી ગઇ હતી અને દોરડાનો ઝુલો બનાવીને બાળકીને બચાવવાના પ્રયાસો કર્યા હતા. જે સફળ થયા છે. આ ઘટનામાં એક સારી બાબત હતી કે, બાળકી મોટી હતી અને તે બહારથી તેને પૂછાતા સવાલોના જવાબ આપી રહી છે. આ બાળકી થોડા સમયમાં બહાર આવી જાય તેવી સંભાવના વ્યક્ત કરવામાં આવી છે.

આર્મીની ટીમ દ્વારા આ બાળકીનું રેસ્ક્યૂ કરવામાં આવી રહ્યું હતુ. આ બાળકીને શુક્રવારની સવારે 11.30ની આસપાસ બહાર કાઢી લેવામાં આવી છે. જેના લાઇવ દ્રશ્યો ન્યૂઝ18 ગુજરાતીના કેમેરામાં કેદ થયા છે.આ અંગે મળતી માહિતી પ્રમાણે, ધ્રાંગધ્રા તાલુકાના ગાજણવાવ ગામમાં ખેતરમાં આવેલા બોરવેલમાં બાળકી બોરવેલમાં પડી ગઇ હતી.

મળતી માહિતી પ્રમાણે, જે છોકરી બોરવેલમાં પડી ગઈ છે તેનો પરિવાર ગુજરાત બહારથી મજૂરી કામ માટે આવ્યો છે. મહત્વનું છે કે, અગાઉ સુરેન્દ્રનગરમાં બોરવેલમાં બાળક પડી જવાની ઘટના બની હતી ત્યારે સેનાના જવાનો બનાવના સ્થળે પહોંચ્યા હતા અને બાળકને સુરક્ષિત રીતે બહાર કાઢી લીધું હતું.

બાળકીને બહાર કાઢ્યા પછી તેને તાત્કાલિક હોસ્પિટલ ખસેડી શકાય તે માટે પણ અહીં ઘટના સ્થળ પર એમ્બ્યુલન્સ સહિતની વ્યવસ્થા ગોઠવી દેવામાં આવી હતી. આ સાથે મેડિકલની ટીમ પણ હાજર કરી દેવામાં આવી હતી. જેથી બહાર આવેલી બાળકીને તાત્કાલિક સારવાર શરુ કરી શકાય.

બાળકીને સુરક્ષિત બહાર કાઢીને તેને હોસ્પિટલમાં લઇ જવામાં આવી છે. હાલ તેની સારવાર ચાલી રહી છે.