સુરેન્દ્રનગરઃ પૂર્વ સાંસદ સોમા ગાંડાની કારને નડ્યો અકસ્માત, ST બસ અને ટ્રક ધડાકાભેર અથડાયા

રાજુદાન ગઢવી, સુરેન્દ્રનગરઃ સુરેન્દ્રનગરમાં આજે માર્ગ અકસ્માતની (road accident) બે ઘટનાઓ બની હતી. જેમાં એક ઘટના વઢવાણ કોઠારીયા રોડ પર પૂર્વ સાંસદ (ex MP soma ganda) સોમા ગાંડાની કાર અને બાઈક વચ્ચે અકસ્માત (car-bike accident) સર્જાયો હતો. જ્યારે સુરેન્દ્રનગર શહેરમાં (surendranagar) જોરાવગરના ઢાળ ઉપર એસટી બસ અને ટ્રક ધડાકાભેર અથડાયા હતા. જોકે, આ બંને કસ્માતમાં કોઈ જાનહાની થઈ ન હતી.

મળતી માહિતી પ્રમાણે સુરેન્દ્રનગર શહેરમાં વઢવાણ કોઠારીયા રોડ ઉપર ફોર્યૂનર કાર અને બાઈક વચ્ચે અકસ્માત સર્જાયો હતો. આ કાર સુરેન્દ્રનગર પૂર્વ સાંસદ સોમા ગાડાની કારને અકસ્માત સર્જાયો હતો. બાઈક સવારે કાબૂ ગુમાવતા કાર અને બાઈક અથડાતા ઈજા પહોંચી હતી. ઘટનાના પગેલ વઢવાણ પોલીસ ઘટના સ્થળે દોડી જઈને તપાસ હાથધરી હતી.

અન્ય અકસ્માતની વાત કરીએ તો સુરેન્દ્રનગર શહેરની એમ.પી શાહ કોલેજ સામે જોરાવનગરના ઢાળ ઉપર માટીની ઈટો ભરેલો ટ્રક નંબર G.J.1 HT 2782 નંબરના ટ્રકની બ્રેક ફેઈલ અને ડીઝલ ખાલી થઈ ગયું હતું.

જેથી મોરબી સુરેન્દ્રનગર એસ ટી બસ નંબર GJ 18 Z 1214 નંબરની બસ સાથે રીવસમાં આવતો ટ્રક સુરેન્દ્રનગર બસ સ્ટેન્ડ આવતી મુસાફર ભરેલી મોરબી સુરેન્દ્રનગર બસ સાથે ધમાકેદાર અથડાતા અકસ્માત સર્જાયો હતો.

આ અકસ્માતના પગલે કલાકો સુધી ટ્રાફિકજામના દર્શયો સર્જાયા હતા અને ઘટના સ્થળે લોકોના ટોળે ટોળા ઉમટી પડયા હતા અને કોઈ જાનહાની થઈ નથી તેવુ જાણવા મળી રહ્યુ છે.