surendrangar: બોરણામાં યુવકની હત્યાનો ચોંકાવનારો ખુલાસો, ખુદ પિતાએ જ પુત્રની કરી હત્યા

અક્ષય જોશી, સુરેન્દ્રનગરઃ સુરેન્દ્રનગર જિલ્લાના (surendranagar) લીંબડી તાલુકાના (limbadi) બોરણા ગામે ફાયરિંગમાં (firing) યુવાનનું મોત થયું હતુ. જેમાં ઘરકંકાસમાં પતિ-પત્ની વચ્ચે થયેલી (husband-fiwe firing) તકરારમાં વચ્ચે પડેલા પુત્રને પિતાએ (father shoot son) જ ગોળી ધરબી દઇ મોતને ઘાટ ઉતારી દીધો હોવાની ચોંકાવાનરી વિગતો બહાર આવતા પોલીસે (police) ખુનનો ગુનો નોંધી હત્યારા પિતાને ઝડપી લેવા તપાસના ચક્રો ગતિમાન કર્યા છે.

ગુજરાતીમાં કહેવત છે કે "છોરુ કછોરૂ થાય પણ માવતર કમાવતર ન થાય" પરંતુ લીંબડીના બોરણા ગામે કળીયુગી પિતાએ જ બંદૂકની ગોળી ધરબી દઇ પુત્રને મોતને ઘાટ ઉતારી કહેવતને ખોટી સાબીત કરી દીધી છે. લીંબડી તાલુકાના બોરણા ગામે રવિવારે મોડી સાંજના સમયે ફાયરિંગના બનાવમાં મહેન્દ્ર પિતાબંરભાઇ મંદુરીયાને પડખાના ભાગે ગોળી વાગતા ગંભીર ઇજાઓ થઇ હતી.

ઇજાગ્રસ્ત મહેન્દ્રને સારવાર માટે લીંબડી સરકારી હોસ્પિટલ લઇ જવાયો હતો જ્યાં સારવાર મળે તે પહેલા જ તેનું મોત થતાં બનાવ હત્યામાં પલટાયો હતો. આ બનાવનાં પોલીસે પરિવારજનોની પુછપરછ હાથ ધરતાં ફાયરિંગ કરી હત્યાના બનાવમાં નવો જ વળાંક આવ્યો હતો.

મૃતક મહેન્દ્રના પિતા પિતાબંરભાઇ મંદુરીયા અને તેમની પત્નિ વચ્ચે રવિવારે સાંજે ઘરકંકાસ બાબતે બોલાચાલી થઇ હતી જેમાં ઝઘડો ઉગ્ર બનતા પુત્ર મહેન્દ્ર માતા-પિતા વચ્ચેના ઝઘડાને શાંત કરવા પ્રયાસ કરી રહ્યો હતો.

તે દરમિયાન ઉશ્કેરાયેલા પિતા પિતાબંરભાઇએ તેમની પાસે રહેલી બંદુકમાંથી પુત્ર પર એક રાઉન્ડ ફાયરિંગ કરતા મહેન્દ્રને પડખાના ભાગે ગોળી વાગતા ગંભીર ઇજાઓ થતાં મોત થયું હતું.

ત્યારે હત્યારો પિતા ફાયરિંગ કરી ફરાર થઇ જતાં પોલીસે ખુનનો ગુનો નોંધી હત્યારા પિતાને ઝડપી લેવા તપાસના ચક્રો ગતીમાન કર્યા છે.માતા-પિતા સંતાનો માટે ગમે તે કરી છુટતાં હોય છે ત્યારે બોરણાં માતા-પિતાના ઝઘડાને શાંત કરવા પડેલા પુત્રને પિતાએ જ મોતની નિંદરમાં સુવડાવી દેતા ‍હત્યારા પિતા પર લોકો ફીટકારની લાગણી વરસાવી રહ્યાં છે.