સુરતઃ વેપારીના બંગલામાં ડ્રગ્સનું પડીકું નાખતા બે ડ્રગ્સ માફિયા રંગેહાથ ઝડપાયા

ગુજરાતમાં છાસવારે ડ્રગ્સ ફકડાતું રહે છે ત્યારે સુરતમાં પણ ડ્રગ્સને લગતી વધુ એક ઘટના બની છે. સુરતમાં વેપારીના ઘરમાં ડ્રગ્સનું પેકેટ નાખતા રંગે હાથે ઝડપાયો હતો. આ ઘટનામાં પોલીસે બે યુવકોની અટકાયત કરી છે. સાથે સાથે પોલીસે 2.610 મીલી ગ્રામ ડ્રગ્સ સહિત રૂ.14050નો મુદ્દામાલ જપ્ત કર્યો છે. (કિર્તેશ પટેલ, સુરત)

મળતી માહિતી પ્રમાણે સુરતના ઉમરા વિસ્તારના રામચોક ખાતેનાં સુભાષનગરની ઘટના કાપડના વેપારીના બંગલામાં ડ્રગ્સનું પડીકું નાખતાં બે યુવકો રંગેહાથ પકડાયા હતા.

મોપેડ ઉપર આવેલા બે યુવકોએ વેપારીના બંગલામાં ડ્રગ્સનું પડીકું નાખ્યું હતું જોકે, સિક્યુરિટી ગાર્ડ જોઇ જતાં એક યુવકને દબોચી લીધો હતો.

આ અંગે જાણ થતાં પોલીસે પમ ઘટના સ્થળે પહોંચી હતી. પોલીસે યુવક પાસેથી 2.610 મીલી ગ્રામ રૂ.13050 તેમજ બે મોબાઇલ મળીને રૂ.14050નો મુદ્દામાલ જપ્ત કર્યો છે.

બંને યુવકોની પૂછપરછ ચાલું છે જોકે, ડ્રગ્સ નાખવા પાછળનું કારણ હજી અકબંધ છે.

પકડાયેલા ડ્રગ્સ માફિયાઓની તસવીર