સુરત : 'કૂકરમાં ગરમ પાણી કરી લઈ આવો, દાગીના ચમકાવીએ છીએ', 3 ઠગ સોનું લઈ રફૂચક્કર

કેતન પટેલ, બારડોલી : સુરત જિલ્લાના પલસાણા (palsana surat) તાલુકાનાં જોળવા ખાતે દેસાઇ ફળિયા નજીક ત્રણ ઠગો સોનું (Cheating of gold) ચમકાવવાના બહાને એક મહિલા પાસે સોનાની ચેઇન (Gold chain) તેમજ અન્ય દાગીના મળી 2 તોલા સોનું લઈ રફુચક્કર (gold stalen) થઈ જતાં ચકચાર મચી ગઈ છે. ગઠિયાઓ ફળિયામાં લગાડેલા સીસીટી કેમેરામાં (CCTV Camera)માં ઝડપાઈ ગયા છે.

આ અંગે ઘટના સ્થળેથી પ્રાપ્ત થતી માહિતી અનુસાર સુરત જિલ્લાના પલસાણા તાલુકાનાં જોળવા ખાતે ત્રણ અજાણ્યા યુવાનો સોમવારના રોજ કાળા રંગની વગર નમ્બરની પલ્સર મોટરસાઇકલ લઈને આવ્યા હતા. જ્યાં દેસાઇ ફળિયામાં મંદિર નજીક આ યુવાનો ઘરે ઘરે જઈ સોનું ચમકાવી આપવા માટે લોકોને જણાવ્યુ હતું.

પ્રથમ આ ટોળકી ગામના સરપંચ ના ઘરના ઓટલા ઉપર બેઠેલી સરપંચની છોકરી પાસે ગયા કતા તો તેઓએ ધમકાવીને ત્યાંથી રવાના કર્યા હતા જોકે મોટા ભાગના ગ્રામજનોએ આ ટોળકીને મચક આપી ન હતી પરંતુ ચંદ્રસિંહ પ્રવીણસિંહ પરમારને ત્યાં આ ઠગ ટોળકીના સભ્યો પહોંચ્યા હતા. જ્યાં જઈ તેમણે સોનાના દાગીના પાલીસ કરવાના છે કે કેમ તે અંગે પૂછ્યું હતું.

જેથી ચંદ્રસિંહની પત્ની ભાનુંબહેને સોનાની ચેઇન સહિત અંદાજે 2 તોલા સોનાના દાગીના આ ટોળકીને ચમકાવવા માટે આપ્યા હતા. ત્યારબાદ દાગીના લીધા પછી આ ટોળકીએ ભાનુબેનને કુકરમાં પાણી ગરમ કરી લાવવા માટે જણાવ્યુ હતું. ભાનુબેન ઘરમાં પાણી ગરમ કરવા ગયા તે સમયે આ ત્રણે યુવાનો દાગીના લઈ રફુચક્કર થઈ ગયા હતા.

જેથી ચંદ્રસિંહની પત્ની ભાનુંબહેને સોનાની ચેઇન સહિત અંદાજે 2 તોલા સોનાના દાગીના આ ટોળકીને ચમકાવવા માટે આપ્યા હતા. ત્યારબાદ દાગીના લીધા પછી આ ટોળકીએ ભાનુબેનને કુકરમાં પાણી ગરમ કરી લાવવા માટે જણાવ્યુ હતું. ભાનુબેન ઘરમાં પાણી ગરમ કરવા ગયા તે સમયે આ ત્રણે યુવાનો દાગીના લઈ રફુચક્કર થઈ ગયા હતા.