સુરતમાં ભારે પવન સાથે ધોધમાર વરસાદ, જોઈલો રોડ-રસ્તા પર કેવા પાણી ભરાયા - Photos

કિર્તેશ પટેલ, સુરત : શહેરમાં તૌઉતે વાવાઝોડાને કારણે ગતરોજથી શરૂ થયેલ વરસાદે રાત્રે જબરદસ્ત બેટીંગ કર્યા બાદ સવારથી જે રીતે વરસી રહ્યો છે, જેને લઈને શહેરના માર્ગ પર જાણે નદી દોડતી હોય તેમ ઠેર ઠેર પાણી ભરાયા હતા. અનેક જગ્યા પર કમર સુધીના પાણીને લઈને લોકોને મુશ્કેલીનો સમનો કરવો પડ્યો હતો.

જોકે વરસાદની સિઝન પહેલા વરસાદે મનપાની પ્રિ-મોન્સૂન પ્લાનની પોલ ખોલી નાખી છે. વરાછા, કાપોદ્રા કે પછી કાદરશાની નાળ બધે જ આજ પ્રકાનો નજારો જોવા મળ્યો છે.

અરબી સમુદ્રમાં સર્જાયેલું તૌઉતે વાવાઝોડાએ સૌરાષ્ટમાં તો ખાના ખરાબી સર્જી હોય ત્યારે માત્ર ગુજરાતનું અન્ય શહેરની જેમ સુરતના પણ હાલ બેહાલ કાર્યા હતા. ગતરોજ ગુજરાતમાં વવાવાઝૉડુ પ્રવેશ કરતાની સાથે ધીરી ધારે શરુ થયેલ વરસાદ આખી રાત ધમાકે દાર બેટિંગ કર્યા બાદ આજે સવારથી જે રીતે પોતાનું રુદ્ર સ્વરૂપ દેખાડવાનું શરૂ કર્યું હતું.

જોકે સતત ભારે વરસાદ વચ્ચે ભારે પવને લઈને તંત્ર તો કામે લાગ્યું હતું, પણ જે રીતે સતત વર્ષી રહેલ વરસાદને લઈને શહેરના નીચાણવાળા વિસ્તારમાં સતત પાણી ભરાઈ રહ્યા હતા.

જોત જોતામાં નીચાણવાળા વિસ્તારમાં કમર સુધીના પાણી ભરાઈ જતા લોકોને ખુબજ મુશ્કેલીનો સમનો કરવો પડ્યો હતો. પાણીથી રેલવે અંડર પાસ ગરનાળું હોય કે પછી શહેરના રાજ માર્ગ હોય જાણે સુરતના રસ્તા પર જાણે નદી વહેતી હોય તેવા નજરે જોવા મળ્યા હતા.

શહેરના વરાછા, કાપોદ્રા, હોડી બંગલા, ઝાંપાબજાર, કાદર શાળની નાળ હોય કે પછી ફેશન બજાર કે પછી સલાબતપુરા પોલીસ મથક હોય કે લાલગેટ જ્યાં જુવો ત્યાં માત્રને માત્ર પાણી જોવા મળતું હતું. જોકે જે રીતે પાણી ભરાયા હતા તે વરસાદના પ્રિ મોન્સૂનની કામગીરીની પોલ ખુલ્લી કરી દે છે.

આજના આ ભારે પવન વચ્ચેના વરસાદને લઈને તંત્ર સાથે લોકોની સતત ચિંતા સાથે દોડધામ મચી જવા પામી હતી. કેટલાક લોકોની દુકાન તો, કેટલાક લોકોના ઘરમાં પાણી પ્રવેશી ગયું છે, ત્યારે વાવાઝોડાએ સુરતના લોકોને ધમરોડીયા નથી પરંતુ ભારે પવન વચ્ચેના વરસાદે ચોક્સ લોકોને ધમરોડીયા છે.