સુરત: આ સીધી દેખાતી મહિલાઓ છે સાતિર, ઘરનાં ખૂણે ખૂણાં કરી નાંખે છે 'સાફ'

કિર્તેશ પટેલ, સુરત: શહેરના પોસ વિસ્તારમાં રહેતા ધનિક પરિવારમાં કામની જરૂર છે તેવી જરૂરિયાત ઊભી કરી ધનિક પરિવારોમાં ઘરકામ કરવા માટે રહેતી મહિલાઓ સમય મળતાની સાથે જ ઘર સાફ કરી ફરાર થઈ જતી હોવાની સતત ઘટનાઓ સામે આવતી હોય છે. આવી એક ઘટનામાં 7.80 લાખની ચોરીની એક ફરિયાદના મામલે પોલીસે તપાસ શરૂ કરતાની સાથે જ પોલીસને બાતમી મળી હતી. જેમાં તપાસના આધારે સુરત પોલીસે આવી જ રીતે લોકોના ઘરે ઘરઘાટી બની ઘર સાફ કરનારી આંતરરાજ્ય  ગેંગની બે મહિલા સાથે એક પુરુષની ધરપકડ કરી છે.

સુરતના પોસ ઘરકામ માટે રાખવામાં આવેલી મહિલાઓ ઘરમાં ચોરી કરીને ફરાર થઈ જવાની સતત ઘટનાઓ સામે આવી રહી હતી. ત્યારે વિશ્વાસ કેળવી બંગલામાંથી લાખોના સોનાના દાગીનાની 24 ફેબ્રુઆરીના રોજ ચોરી થયાની એક ઘટના સામે આવી હતી.

જોકે, આ ઘટના બાદ સુરત પોલીસે આરોપીઓની શોધખોળ શરૂ કરી હતી. જ્યારે પોલીસને જાણકારી મળી હતી કે, આંતરરાષ્ટ્રીય મહિલાઓની એક ગેંગ જે સુરતના પોલ વિસ્તારમાં આ પ્રકારે નોકરીની જરૂરિયાતનું બહાનું બનાવીને ધનિક પરિવારોમાં ઘરઘાટી તરીકે કામ કરવા લાગે છે.

તેને સમય મળતાની સાથે ધનિક પરિવારોના ઘર સાફ કરીને જતી રહે છે. ત્યારે 7.80 લાખની ચોરીની એક ફરિયાદના મામલે પોલીસે તપાસ શરૂ કરતાની સાથે જ પોલીસને બાતમી મળી હતી. જે બાતમીના આધારે ચાર મહિલા અને એક પુરુષની ધરપકડ કરી હતી.

પકડાયેલી આ મહિલાઓની ગેંગ આંતરરાજ્ય ગુના આચરતી હતી. ગુજરાતમાં ખાસ કરીને સુરત જે બાદ બિહાર, ઓરિસ્સા, પંજાબ અને પશ્ચિમ બંગાળ જેવા રાજ્યોમાં આ ગેંગ વિરુદ્ધ નોંધાઇ ચૂક્યા છે. જોકે પોલીસે હાલ તેઓની ધરપકડ કરી વધુ તપાસ શરૂ કરી છે. આ ગેંગે ભૂતકાળમાં કયા કયા રાજ્યમાં કયા કયા ગુનામાં સંડોવાયેલા છે કે કેમ તે દિશામાં તપાસ હાથ ધરવા સાથે ચોરીમાં તડફેલો મુદ્દામાલ રિકવર કરવાની કામગીરી પણ શરૂ કરી છે.

આ આરોપીઓ શહેરના પોષ વિસ્તારમાં ઘરઘાટી નોકરીની પોતાને જરૂર છે અને પોતાની ધરની પરિસ્થતી સારી ન હોવાનું કારણ જણાવી ધરમાલિકનો વિશ્વાસ કેળવે છે. નોકરી મેળવતા અને ત્યારબાદ મકાનમાં કિંમતી સામાન ક્યાં રાખેલો છે તેની રેકી કરી માલિકની નજર ન હોય તો કિંમતી સામાન સોના ચાંદીના ઘરેણા તથા રોકડ રકમની ચોરી કરવાની ટેવ ધરાવે છે.