Photos: સુરતના ગોઝારા અગ્નિકાંડમાં 22 વિદ્યાર્થીઓ બન્યા હતા કાળનો કોળિયો, પરિવારે આપી ભાવભીની શ્રદ્ધાંજલિ

કિર્તેશ પટેલ, સુરત : આજથી ત્રણ વર્ષ પહેલા એટલે કે, 24 મે 2019ના રોજ સુરત (Surat) શહેરના સરથાણા વિસ્તારમાં બનેલી તક્ષશિલા અગ્નિકાંડ (Surat Takshashila fire) દુર્ઘટનાના કારણે આખા સુરત શહેર સહિત સમગ્ર દેશમાં આસુઓનું પુર આવી ગયુ હતું. આ ઘટના જોઇને દરેકની આંખોમાં આંસુ હતા. કારણે આ અગ્નિકાંડની ઘટના 22 માસુમ વિદ્યાર્થીઓ હોમાયા હતા.

સુરતના સરથાણા ખાતે આજથી 3 વર્ષ પહેલાં એટલે કે, 24 મે 2019ના રોજ તક્ષશિલા બિલ્ડીંગમાં બપોરના સમયે આચનક આગ લાગી હતી. આગ એટલી વિકરાળ હતી કે, બિલ્ડીંગમાં ચાલતો કલાસ આખો લપેટમાં આવી ગયો હતો. જેમાં કલાસીસ માં રહેલ 22 જેટલા માસુમો આગની લપેટમાં હુમાઇ ગયા હતા અને આખું સુરત હિબકે ચડે તેવી ઘટના બની હતી.

જોકે કેટલાક લોકોએ પોતાનનો જીવ બચાવવા માટે ત્રીજા માટેથી કૂદકો માર્યો હતો પણ જે ઘટના બની તેના આજે ત્રણ વર્ષ ઓઉરણ થયા છે. પણ હજુ આ 22 માસુમાઓના પરિવારના આંખનાં આંસુ ભૂસાતા નથી. ત્રણ વર્ષ પૂર્ણ થતાં આજ રોજ વહેલી સવારે હોમાયેલ માસુમોના માતા પિતા દ્વારા ઘટના સ્થળ પર પહોંચીને દીવો પ્રગટાવીને ભાવભીની શ્રધાંજલિ આપવામાં આવી હતી.

આ અંગે સ્થાનિકોએ જણાવ્યુ કે, દરેક વિધાર્થી સુરત શહેરના સંતાન હતા અને આ દુઃખદ સમયમા તેમના પરીવાર સાથે આખુ સુરત શહેર ઉભુ છે  હતું અને હરહંમેશ સુરત એમના પરિવાર સાથે ઉભું રહેશે. આજે પણ એ વાલીઓ ન્યાય માટે સુરતના જાબાજ યોદ્ધાઓ લડી રહ્યા છે.

આજે આ બાળકોને શ્રદ્ધાંજલિ આપવા ભેગા થયેલા લોકો અશ્રુભીની આંખે પ્રાર્થના કરી રહ્યા છે કે, ભગવાન કરે આવી ઘટના બીજી વખત ક્યાંય પણ ન બને.

લોકોએ વધુમાં જણાવ્યુ કે, જ્યારે પણ આ સ્થળની આજુબાજુમાંથી નિકળીએ તો પણ એ દ્રશ્યો આંખ સામે આવી જાય છે, તો વિચારો જે બાળકોના જીવ ગયા છે એમના પરિવાર પર શું વિતતી હશે?  જીવ બચાવવા આમ તેમ દોડી ચિચિયારી પાડતા એ બાળકોને સુરત અને જ્યાં જ્યાં સુધી આ કાળજું ફાટી જાય તેવા અગ્નિકાંડના વિડીયો પોહચ્યા હશે એ વિડીયો જોનાર વ્યક્તિ ક્યારેય નહીં ભૂલે.