સુરતના પરિવાર પાસે છે દુનિયાના સૌથી દુર્લભ અને મોંઘેરા ગણપતિ!

સુરતઃ રૂ. 500 કરોડની ગણેશની મૂર્તિ!!! કોઈ આવું કહે તો કદાચ વિશ્વાસ ન આવે. આ કોઈ અફવા નથી પરંતુ સુરતના એક પરિવાર પાસે દુનિયાના કદાચ સૌથી દુર્લભ અને મોંઘેરા ગણપતિ છે. હીરા વેપારી પાસે રહેલા ગણેશની પ્રતિમાની કિંમત રૂ. 500 કરોડથી પણ વધારે આંકવામાં આવી રહી છે. (સ્ટોરીઃ કિર્તેશ પટેલ)

કેમ આટલી બધી કિંમત?: સુરતના કતારગામ વિસ્તારમાં રહેતા પાંડવ પરિવાર પાસે નેચરલ રફ ડાયમંડની ગણેશાની મૂર્તિ છે. દર વર્ષે ગણેશ ઉત્સવ દરમિયાન લોકોના દર્શન માટે આ પ્રતિમા ખુલ્લી મૂકવામાં આવે છે. ગણેશની આ મૂર્તિ 27.74 કેરેટની ઓરિજિનલ રફ ડાયમંડમાંથી બનેલી છે. આ માટે જ તેની કિંમત સૌથી વધારે આંકવામાં આવે છે.

પરિવાર આ ગણપતિ વિશે કહે છે કે, દશકા પહેલા રફ હીરાની ખરીદી વખતે તેમના હાથમાં આ અખોની પ્રતિમા આવી હતી. રફ હીરામાં ગણેશજીના દર્શન થતાં હીરાના વેપારી તેને પોતાના ઘરે લાવ્યા હતા. બાદમાં આ રફ ડાયમંડને પોલિશ્ડ કરવાને બદલે પરિવારે તેને ઘરના મંદિરમાં મૂકી દીધી હતી. (માલિકઃ રાજેશ પાંડવ)

રફ ડાયમંડની આ મૂર્તિની ઊંચાઈ 24.11 મીલીમીટર અને પહોળાઈ 16.49 મીલીમીટર છે. આ પ્રતિમાનો કલર પીળો અને ગ્રે જેવો છે. આ મૂર્તિને નેચરલ ડાયમંડ તરીકેનું સર્ટિફિકેટ પણ મળ્યું છે.

આફ્રિકામાંથી આ હીરો મળી આવ્યો હતો.

ગણેશ ઉત્સવ દરમિયાન પરિવાર આ હીરાને દર્શન માટે ખુલ્લો મૂકે છે.