સુરત: જીંગા તળાવમાં ત્રણ દિવસથી ૧૦ વ્યક્તિ ફસાયા, રેસ્ક્યૂ ટીમે બચાવી લેતા રોઈ પડ્યા

કિર્તેશ પટેલ, સુરત: સચીન ગભેણી ગામ ચોકડી નજીક ઉંબેર ગામના ઝીંગા તળાવમાં છેલ્લાં ૩ દિવસથી મજુરી કામ કરતા મજુરો ફસાયા હતા. જેને બચાવવા માટે સ્થાનિક રહીશોએ ફાયર બ્રિગેડની મદદ લીધી હતી. ફાયર બ્રિગેડે રેસ્કયુ ઓપરેશન કરી ભારે જહેમત બાદ ૧૦ વ્યકિતઓને બહાર કાઢ્યા હતા.

પ્રાપ્ત માહિતી અનુસાર, સુરત સહિત જીલ્લામાં ધોધમાર વરસાદ પડવાના કારણે અનેક વિસ્તારોમાં પાણી ભરાઇ જતાં લોકો મુશ્કેલીમાં મુકાયા હતા. તેવા સમયે સચીન ગભેણી ચોકડી નજીક ઉંબેર ગામમાં એક ઝીંગા તળાવમાં મજુરી કામ કરતા ૧૦ વ્યકિતઓ ફસાઇ ગયા હતા. આજુબાજુ  9 કિમી દૂર સુધી પાણી જ પાણી હોવાના કારણે તેઓ બહાર નિકળી શકે તેવી પરિસ્થીતી ન હતી.

છેલ્લાં ૩ દિવસથી મદદ માટે ૧૦ વ્યકિતઓ રાહ જાઇ રહ્ના હતા. ત્યારે સ્થાનિક રહીશોએ ફાયર બ્રિગેડને જાણ કરતા લાશ્કરો ઘટના સ્થળે દોડી આવ્યા હતા. તળાવમાંથી ૧૦ વ્યકિતઓને બચાવવા માટે ફાયર બ્રિગેડે રેસ્કયુ ઓપરેશન હાથ ધર્યુ હતુ.

કલાકોની જહેમત બાદ ફાયર બ્રિગેડે પ્રકાશ નાયક (21), અલવીર કશ્યપ (23), વર્ષીય ક્રિષ્ણા જાનો (19), કુરેન્દ્ર ગોડલ (18), સુરજ કારૂલા (18), હરીશ રાઠોડ (28) , ૨૩ વર્ષીય જાવાન , ૨૦ વર્ષીય રોહીત એમરોન , ૧૯ વર્ષીય અર્જુન જાવાન અને ૧૯ વર્ષીય નેરલ મસકી નામના મજુરોને સહી સલામત બહાર કાઢ્યા હતા. આમ છેલ્લાં ૩ દિવસથી ફસાયેલા મજુરો બહાર નિકળતા તેમના ચહેરા પર હર્ષના આંસુ જાવા મળ્યા હતા.