સુરતઃ માથાની બીમારીના લીધે પરિવારે ઓનલાઈન અભ્યાસની ના પાડી, 16 વર્ષની સગીરાએ કર્યો આપઘાત

કિર્તેશ પટેલ, સુરતઃ શહેરના કતારગામમાં  (Katargam) 16 વર્ષની સગીરાને માથાનો દુઃખાવો થતા તબીબ દ્વારા થોડા સમય માટે અભ્યાસ નહીં કરવા પરિવારને જણાવ્યું હતું. જેથી પરિવારે પણ સગીરાને ટીવી જાવા ઉપરાંત ઓનલાઈન (online) અભ્યાસ કરવાનીના પાડતા ડિપ્રેશનમાં આવીને સગીરાએ ઘરમાં જ ફાંસો ખાઇ આપઘાત (suicide) કરી લીધો હતો.

કતારગામ વિસ્તારમાં રહેતી 16 વર્ષની સગીરા હાલમાં ધો.10નો ઓનલાઇન અભ્યાસ કરી રહી છે. તેણીને છેલ્લા 20 દિવસ ઉપરાંતથી માથું દુઃખતુ હતુ અને તેની સાથે શરદી-ખાંસી પણ થઇ હતી. કોરોનાની મહામારીમાં શરદી-ખાંસીના કારણે પરિવારને કોરોનાના લક્ષણો હોય તેવો પણ ડર લાગતો હતો.

ત્યારબાદ પરિવારે સગીરાને સ્મીમેર હોસ્પિલમાં (smimer hospital) તપાસ માટે લઇ ગયા હતા. જ્યાં ડોક્ટરો (doctor) તેણીને વધારે પડતો સમય મોબાઇલ, ટીવીમાં હોવાથી આંખ ખેચાયા કરે છે. અને તેના કારણે માથુ દુઃખતુ હોવાનું કહ્યું હતુ.

આવા સમયે સગીરાને એકલતા તેમજ મોબાઇલમાં કે ટીવીમાં ઓનલાઇન અભ્યાસ નહીં કરવા માટે જણાવ્યું હતું. ડોક્ટરની સૂચના બાદ સગીરાની માથાના દુઃખાવાની દવા શરૂ કરવામાં આવી હતી. સગીરા છેલ્લા 15 દિવસ ઉપરાંતથી દવા લઇને પોતાની સારવાર લઇ રહી હતી.

તેવામાં છેલ્લા ચાર-પાંચ દિવસથી પરિવારજનોએ તેણીને ટીવી જોવાની ના પાડી હતી અને રૂમમાં રહીને આરામ કરવાનું કહ્યું હતું.  દરમિયાન માનસિક તાણ અનુભવતી રહેતી સગીરાએ સોમવારે સાંજના સમયે  માતા-પિતા શાકભાજી લેવા માટે ગયા હતા. ત્યારે ઘરમાં હાજર દાદીને રૂમમાં કપડા બદલવા જાઉ છું કહીને રૂમનો દરવાજા બંધ કરી દીધો હતો.

થોડા સમય બાદ જ્યારે માતા-પિતા આવ્યા ત્યારે તેઓ સગીરાની પૂછપરછ કરી હતી. પરંતુ સગીરાએ અંદરથી દરવાજા ખોલ્યો ન હતો. આખરે દરવાજા તોડી નાંખતા સગીરા પંખાના હુક સાથે લટકતી હાલતમાં જાવા મળી હતી. જાવા મળી બનાવ અંગે કતારગામ પોલીસને જાણ કરાઇ હતી.

પોલીસે અકસ્માત મોતનો ગુનો નોધીને વધુ તપાસ હેડ કોન્સ્ટેબલ શૈલેષ નાનુભાઇ કરી રહ્ના છે. અત્રે ઉલ્લેખનીય છે કે, સગીરાના પિતા ટોરેન્ટ પાવરમાં કોન્ટ્રાક્ટ બેઇઝ ઉપર નોકરી કરે છે.  માતા સુરત મનપામાં કોરોના  સફાઇ કામદારની નોકરી કરતા હોવાનું જાણવા મળ્યું છે.