સુરત: મુંબઇની ગોલ્ડ મેડાલિસ્ટ MBBS ડૉ. હિના હિંગડેએ લીધી દીક્ષા

મુંબઇની ગોલ્ડ મેડાલિસ્ટ એમબીબીએસ ડોકટર હિનાએ પોતાનો ડોકટરીનો વ્યવસાય છોડી દિક્ષા લેવાનું નક્કી કર્યુ છે. સન્યાસના માર્ગે જઇ રહેલ ડોકટર હિના હિંગડે 1નો આજે દીક્ષા સમારોહ યોજાયો હતો. જેમા તેમણે પોતાની મનપસંદ વસ્તુઓનો ત્યાગ કર્યો હતો અને ધર્મને અંગીકાર કર્યો હતો. આ ઉત્સવમાં તેમના માતા-પિતા અને પરિવારજનો સહિત મોટી સંખ્યામાં લોકો જોડાયા હતા.

મુંબઈની એમબીબીએસ ગોલ્ડ મેડાલિસ્ટ હીના સાધ્વી વિવેકમાલા શ્રીજી એટલે કે ગુરૂમાંના હાથે સંસારનો ત્યાગ કરી દીક્ષા ગ્રહણ કરી હતી. આ નિર્ણય બાદ તેમના પરિવારમાં દુખ સાથે ઉત્સાહનો માહોલ છે.

હિના પોતાના આત્મ કલ્યાણ માટે તે ભગવાનની શરણે જઈ રહી છે. જેને લઈ ડૉ. હીના હિંગડેનો વર્ષીદાન વરઘોડો નિકળ્યો હતો. જેમાં મોટી સંખ્યામાં લોકો જોડાયા હતા.

વર્ષીદાન વરઘોડામાં હિનાનો પરિવાર મુંબઇથી ખાસ સુરત આવ્યો હતો અને સમાજના આગેવાનો પણ ખાસ આ કાર્યક્રમમાં ઉપસ્થિત રહ્યા હતા. હિનાના માતા અને પિતાએ ભીની આખે પણ દિકરીને સંયમના માર્ગે મોકલવાનો નિર્ણય લીધો છે.

ડોકટર હિના હિંગડે જણાવ્યુ હતુ કે તે 12 ધોરણમાં હતી ત્યારથી જ તેની ઇચ્છા હતી ત્યારે તે 47 દિવસ સાધુ જીવન પણ જીવી હતી. પપ્પાની ઇચ્છા હતી કે ડોકટર બને અને ત્યાર બાદ 2.5 વર્ષ પ્રેકટીસ પણ કરી હતી.આ સોશિયલ રીસ્પોન્સીબ્લીટી છે પરંતુ મારી માટે ગુરૂ મહત્વના છે. રૂપયા વાળા લોકો પણ તકલીફના સમયે ગુરૂ પાસેજ આવે છે કારણ કે એમને કોઇ મોહ માયા નથી. તેઓ હંમેશા હસ્તા રહે છે એટલે જ હુ આ માર્ગ પર જઇ રહી છું.

ઉલ્લેખનીય છે કે, મે-જૂન મહિનામાં ઉમરગામ દરિયાકિનારે યોજાયેલી સાધ્વી વિવેકમાલા શ્રીજી મ.ની 8મી ટિનેજર્સ કન્યા શિબિર યોજવામાં આવી હતી.આ શિબિરમાં ડો. હીના હિંગડે પણ હતી.