સુરત : પોશ વિસ્તારમાં રહેતી યુવતીનો ઘરમાંથી મૃતદેહ મળ્યો, મકાનમાંથી આવી રહી હતી દુર્ગંધ

કિર્તેશ પટેલ, સુરત : સુરત (Surat) શહેરના સૌથી પોઝ ગણાતા એવા વેસુ (Vesu) વિસ્તારમાં એક યુવતીનો ઘરમાંથી મૃતદેહ (Dead Body of Girl) મળી આવ્યો હોવાની ઘટના સામે આવી છે. વેસુના સુમન આવાસમાં એકલી રહેતી 20 વર્ષીય યુવતીના ઘરમાંથી દુર્ગંધ આવતી હતી જેના કારણે આડોશી પાડોશીએએ પોલીસને (Police) જાણકારી આપી હતી. પોલીસે આવી અને ઘરનો દરવાજો ખોલી પ્રવેશ કર્યો ત્યારે આ યુવતી મૃત અવસ્થામાં મળી આવી હતી. યુવતીની હત્યા થઈ કે આત્મહત્યા આ અંગે શંકા-કુશંકાઓ જન્મી છે ત્યારે પોલીસે તપાસના ચક્રોગતિમાન કર્યા છે.

બનાવની વિગતચ એવી છે કે વેસુના સુમન આવાસમાંથી આજે પોલીસને ફોન કરવામાં આવ્યો હતો. પોલીસને બી બ્લોકમાં 5માં માળે રહેતી યુવતી પાડોશીઓએ તેના ઘરમાંથી શંકાસ્પદ દુર્ગંધ આવતી હોવાની જાણ કરી હતી. જેથી પોલીસે ઘટના સ્થળે જઈને તપાસ કરી હતી.

પોલીસે ફાયર વિભાગની મદદથી ઘટના સ્થળે જઈને દરવાજો તોડી અને પ્રવેશ કર્યો હતો ત્યારે મકાનમાંથી એક યુવતી મૃત અવલસ્થામાં મળી આવી હતી. પોલીસને પ્રાથમિક તપાસમાં જાણવા મળ્યું કે યુવતી મિઝોરમની વતની હતી અને મકાનમાં એકલી રહેી હતી.

આ બનાવમાં પ્રાથમિક રીતે આત્મહત્યાની આશંકા જાગી છે પરંતુ એક 20 વર્ષની યુવતીની હત્યા થઈ હોવાની આશંકા પણ સેવાઈ રહી છે. જોકે, ઘટનાના પગલે સમગ્ર એપાર્ટમેન્ટની રહીશોમાં ચકચાર મચી ગઈ હતી અને ડરનો માહોલ ફેલાઈ ગયો હતો.

પોલીસે યુવતીની માહિતી મકાન માલિકના સંપર્ક દ્વારા મેળવવાની કવાયત શરૂ કરી છે તેમજ તેનો પરિવાર મિઝોરમમાં રહેતો હોવાની શક્યતાના પગલે એ દિશામાં તપાસ કરી છે. હબાલમાં યુવતીના મૃતદેહનું પોસ્ટમોર્ટમ કરવાની તજવીજ કરવામાં આવી છે. ઘટના અંગે વધુ માહિતી પોલીસ તપાસના અંતે જ મળશે.