સુરત : બોર્ડમાં શહેરની ટૉપર રહેલી આ યુવતી લેશે દીક્ષા, 20 વર્ષની ઉંમરે પસંદ કર્યો સંયમનો માર્ગ

કિર્તેશ પટેલ, સુરત : સુરતમાં જૈન સમાજમાં ઐતિહાસિક નોંધ લેવાય એવો એક દીક્ષા મહોત્સવ યોજાવા જઈ રહ્યો છે. આગામી 20મી ફેબ્રુઆરીએ વેસુના ઐતિહાસિક મેદાનમાં જ્યાં એક સાથે 77 દીક્ષા પ્રદાન કરાવાઈ હતી એ જ મેદાનમાં શનિવારે 20 વર્ષની સુખી સંપન્ન ઘરની દીકરી રીશ્વીબેન શેઠ દીશ્રા ગ્રહણ કરશે.

બોર્ડમાં ધોરણ 10-12માં સુરત શહેરમાં રહેલી રીશ્વી 20 વર્ષની ઉંમરે સંસારનો મોહ ત્યજીને સંયમનો માર્ગ અપનાવા જઈ રહી છે. છેલ્લા 400 વર્ષના ઇતિહાસમાં પહેલી વાર 1000 જૈન સાધુ સાધ્વીઓની ઉપસ્થિતિમાં આ મહોત્સવ યોજાવા જઈ રહ્યો હોય તેવો આ પ્રથમ કિસ્સો બનશે.

વાવતીર્થની નિવાસી કુમારી રીશ્વીબેન શ્રીકેશભાઈ શેઠ ની દીક્ષા ‘સુરીરામચંદ્ર અને ‘સુરીશાંતિચંદ્ર’ સામ્રાજ્ય ના 18 આચાર્ય ભગવંતો, 1 ઉપાધ્યાય, 5 પંન્યાસ, 9 ગણિતવર્ય આદિ અને 1,0000 સાધુ-સાધ્વીની ઉપસ્થિતીમાં થશે. સમગ્ર સુરત શહેરમાં દસમાં ધોરણમાં બીજા ક્રમાંકે અને બારમાં ધોરણમાં સર્વપ્રથમ ક્રમાંકે ઉત્તીર્ણ થવા છતાં આ કન્યાએ સંસારિક સર્વ પ્રલોભનો ત્યાગ કરી દીક્ષાના કાજે સ્વજન વર્ગને પોતાની નિષ્ઠાથી દ્રઢતાથી સમજાવ્યા છે અને પૂરી સમજદારીથી ધન યૌવન, રૂપ, ભૌતિક સફળતા, સંસારી જીવન, સ્વપ્નિલ અરમાનો, સ્વજન, સમાજ, દુનિયાદારીના સંબંધો આદિનો ત્યાગ કરી પ્રભુ વીર એ બતાવેલો આત્મકલ્યાણનો આકરો પંથ સ્વીકારવાનું નક્કી કર્યું છે.

શુક્રવારે 19મીમી ફેબ્રુઆરીએ રીશ્વી એમનાં વેસુ વિસ્તારમાં વર્ષીદાન દ્વારા “ધનત્યાગ” નું પ્રતીક જનજનના હૈયે પ્રતિષ્ઠિત કરશે શનિવારે તા. 20 મી ફેબ્રુઆરીના. રોજ પ્રવચનકાર આ. સોમસુંદર સુરીશ્વરજી મહારાજ, જીર્ણોદ્ધાર જ્યોતિધર મુક્તીપ્રભ સુરીશ્વરજી મહારાજ, પ્રવચન પ્રભાવક કીર્તિયશ સુરીશ્વરજી મહારાજ, પ્રસિદ્ધ પ્રવચનકાર શ્રેયાંસપ્રભ સુરીશ્વરજી મહારાજ અને આધ્યાત્મિક દેશનાદાતા યોગતિલક સુરીશ્વરજી મહારાજ આદિ 300 થ અધિકપુજ્યોના સાનિધ્યમાં આ દીક્ષા-પ્રદાન મહોત્સવ ઉજવાશે