'ગાઠિયા-ભજીયાની મહેફિલો કરી તો પતી જશો', કન્ટેનમેન્ટ ઝોનના અનુભવી અધિકારીને સુરતની ખાસ જવાબદારી સોંપાઈ

હિતેન્દ્ર બારોટ, ગાંધીનગર : કોરોનાના કેસમાં 16મી જુલાઈના આંકડા મુજબ સમગ્ર ગુજરાતમાં  અમદાવાદ 23780 દર્દીઓ સાથે નંબર વન છે, અત્યાર સુધી 1533 લોકોનાં મૃત્યુ થયા છે. જ્યારે  18627 દર્દીઓને રજા આપી દેવાઈ છે. રાજ્ય માં બીજા નંબરે સુરત 8907 કેસ સાથે છે. જેમાં,  240 દર્દીઓનાં મૃત્યુ. થયા છે જ્યારે 5628 દર્દીઓ ને રજા આપી દેવાઈ છે. અમદાવાદ માં લૉકડાઉન દરમિયાન કોરોનાને નાથવામાં રાજ્યના આરોગ્ય વિભાગના અધિકારીઓ ,સિનિયર આઈએએસ અધિકારીઓ ,અને આઈપીએસ અધિકારીઓની મહત્વની ભૂમિકા રહી છે. ત્યારે કરફ્યૂ અને લૉકડાઉનનો અમલ કરાવવામાં મહત્વની ભૂમિકા અદા કરનાર આઈપીએસ અધિકારી હરેશ દુધાત અને હેતલ પટેલ સુરતની જવાબદારી સોંપાઈ છે.

આ બન્ને પોલીસ અધિકારીઓ એ અમદાવાદમાં કરફ્યૂ અને લોકડાઉનનો કડકાઈથી અમલ કરાવવા ઉપરાંત સુપર સ્પ્રેડરમાં જાગૃતિ લાવવામાં અને સોસાયટીઓ, પોળોમાં જઈને કોરોનાને લઈ લોકજાગૃતિ લાવવામાં મહત્વની ભૂમિકા રહી છે.

ત્યારે બન્ને પોલીસ અધિકારીઓ હરેશ દુધાત અને હેતલ પટેલ સુરતમાં કન્ટેઇનમેન્ટ એરિયામાં જઇ  અધિકારીઓ લોકોને સમજાવે છે કે મહેરબાની કરીને ભેગા થઈ ભજીયા ,ગાંઠિયા સહિત નાસ્તા કે મિજબાની નું આયોજનના કરશો. નહિતર પાર્ટી કરતા કરતા પતી જતા વાર નહિ લાગે.

રાજ્ય સરકાર દ્વારા કોરોનાને અંકુશમાં લેવા તમામ પ્રકારનાં પ્રયાસો ચાલી રહયા છે. આ અધિકારીઓ  સુરતમાં અલગ અલગ સોસાયટીમાં જઈને લોકોને કોરોનાનાં માહિતી આપે છે તેમજ કહે છે કે કોરોના સામે કેવી રીતે લડવું એનાં કરતા એનાથી બચવા કેવા પ્રકાર ના પગલાં લેવા તે પ્રકાર નું માર્ગદર્શન આપવા માં આવે છે.

તમને કોઈ તકલીફ હશે  તો પોલીસ તમારી પડખે  છે. પણ ગાઠીયા ભજીયાની પાર્ટી ના  કરો નહીં તો કોરોનામાં તમારા દ્વારે આવતા વાર નહિ લાગે. સાચા અર્થમાં પોલીસ 'મે આઈ હેલ્પ યુ'નું સૂત્ર સાકાર કરતી હોય દેખાઈ રહ્યું છે.